گیلپ اینڈ گیلانی پاکستان نے تازہ سروے کیا ہے جس میں یہ انکشاف ہوا کہ کتنے فیصد پاکستانی کس کھیل میں دلچسپی رکھتے ہیں جبکہ کسی اسپورٹس سے شغف نہ رکھنے والے افراد کی بھی ایک بڑی تعداد سامنے آئی ہے۔
یہ بھی پڑھیں: کرکٹ ورلڈ کپ 92‘ فتح کا 34واں سال
سروے کے مطابق پاکستانیوں میں سب سے زیادہ کرکٹ کے شوقین افراد کی تعداد 34 فیصد ہے جبکہ 42 فیصد افراد کا کہنا ہے کہ انہیں کسی کھیل میں دلچسپی نہیں۔
سروے میں ملک بھر سے بالغ پاکستانیوں سے پوچھا گیا ’براہِ کرم بتائیں، آپ کس کھیل کے سب سے زیادہ شوقین ہیں’۔ جواب میں 34 فیصد افراد نے کرکٹ کو سب سے پسندیدہ کھیل قرار دیا جو کہ سب سے زیادہ انتخاب ہے۔
اس کے بعد فٹبال 6 فیصد کے ساتھ لوگوں کی پسندرہا جبکہ ہاکی اور کبڈی دونوں کو 3 فیصد افراد نے ترجیح دی۔
لوگوں کی بہت کم تعداد تھی جنہوں نے باسکٹ بال (2 فیصد) اور باکسنگ (2 فیصد) کو سب سے پسندیدہ کھیل بتایا۔
اسکواش کے میدان میں ایک وقت پاکستان نے دنیا بھرمیں راج کیا تھا تاہم محض ایک فیصد افراد نے اس کے حق میں رائے دی۔ علاوہ ازیں ایک وقت وہ بھی تھا جب ہاکی اور اسنوکر کے میدان میں بھی پاکستان نے دنیا میں اپنا لوہا منوایا لیکن سروے کے مطابق پاکستان میں ان دونوں کھیلوں سے دلچسپی رکھنے والے اب بہت کم پائے جاتے ہیں۔
مزید پڑھیے: ورلڈ اسکواش چیمپیئن شپ کی جانب پاکستان کا کامیاب قدم، کوالیفائرز کے فائنل میں جگہ بنالی
ٹینس یا ایتھلیٹکس کو پسند کرنے والے افراد کی تعداد ایک فیصد سے بھی کم تھی۔
یہاں یہ بات قابل ذکر ہے کہ 42 فیصد پاکستانیوں نے کہا کہ وہ کسی کھیل کے شوقین نہیں ہیں۔
سروے میں 3 فیصد نے دیگر مختلف کھیلوں کا ذکر کیا اور 5 فیصد نے کوئی جواب نہیں دیا۔ کسی نے کہا پتا نہیں تو کسی نے خاموشی اختیار کی۔
یہ نتائج ظاہر کرتے ہیں کہ اگرچہ کرکٹ پاکستانیوں میں سب سے زیادہ پسندیدہ کھیل ہے لیکن مجموعی طور پر کھیلوں میں دلچسپی محدود ہے اور زیادہ تعداد میں لوگ کسی کھیل کے شوقین نہیں۔
مزید پڑھیے: ہاکی ورلڈ کپ: پاکستان کے گروپ میچز کب اور کتنے بجے ہونگے؟
جو لوگ کسی کھیل کو ترجیح دیتے ہیں ان میں کرکٹ واضح طور پر سب سے آگے ہے جبکہ دیگر کھیل بہت پیچھے ہیں۔
