امریکا اور ایران کے درمیان کل اسلام آباد میں اہم مذاکرات ہونے جا رہے ہیں، جن کا مقصد خطے میں کشیدگی کو کم کرنا اور دیرپا امن کے فروغ کے لیے راستہ ہموار کرنا ہے۔
پاکستان نے اپنی فعال سفارتکاری کے ذریعے دونوں فریقین کے درمیان رابطوں میں سہولت فراہم کی ہے، تاکہ مذاکرات مثبت ماحول میں ہوں، اور اس وقت ساری دنیا کی نظریں اسلام آباد پر لگی ہوئی ہیں۔
پاکستان کی مؤثر سفارتی حکمت عملی نے خطے میں ممکنہ تنازعات کو روکنے میں اہم کردار ادا کیا ہے۔ اسلام آباد کی ثالثی کی کوششوں کو عالمی برادری کی جانب سے سراہا جا رہا ہے۔
پاکستان کی سفارتی ٹیم امن مذاکرات کی کامیابی کے لیے ہر ممکن تعاون فراہم کر رہی ہے۔ یہ اقدامات پاکستان کی بین الاقوامی سطح پر ذمہ دارانہ پوزیشن اور امن کے فروغ میں اس کے کردار کو اجاگر کرتے ہیں۔
اب یہاں سوال یہ پیدا ہوتا ہے کہ کیا امریکا اور ایران کے درمیان مستقل جنگ بندی پر اتفاق ہو پائےگا؟ اس حوالے سے مزید بتا رہے ہیں سینیئر صحافی خرم شہزاد اور فیصل کمال پاشا اس ویڈیو رپورٹ میں۔
