وزیراعظم پاکستان شہباز شریف اور قطر کے امیر شیخ تمیم بن حمد الثانی کے درمیان ٹیلی فونک رابطہ ہوا ہے۔
انتہائی گرمجوش اور دوستانہ گفتگو کے دوران امیر قطر نے وزیراعظم کو پاکستان کی کامیاب سفارتی کوششوں پر مبارکباد پیش کی جس کی بدولت ایران اور امریکا میں جنگ بندی ہوئی اور فریقین کے درمیان مذاکرات ہونے جا رہے ہیں۔
Spoke with my dear brother His Highness Sheikh Tamim bin Hamad Al Thani, Amir of Qatar, this evening.
Grateful for His Highness’ kind words of support and encouragement for Pakistan’s sincere peace efforts.
I expressed my deep admiration for the wisdom and restraint…
— Shehbaz Sharif (@CMShehbaz) April 9, 2026
پاکستان کی مخلصانہ اور حقیقی ثالثی کی کوششوں کو سراہنے پر امیر قطر کا شکریہ ادا کرتے ہوئے وزیراعظم نے قطری قیادت کی دانشمندی اور تدبر کی تعریف کی، جس کی بدولت گزشتہ 6 ہفتوں کے دوران مسلسل حملوں کا سامنا کرنے کے باوجود مثالی تحمل کا مظاہرہ کیا۔
انہوں نے قطر کی قیادت اور عوام کے ساتھ پاکستان کی یکجہتی کا اعادہ کیا اور امیر کو یقین دلایا کہ دونوں ممالک ہمیشہ ایک دوسرے سے کندھے سے کندھا ملا کر کھڑے رہیں گے۔
دونوں رہنماؤں نے اس امید کا اظہار کیا کہ مشترکہ کوششوں سے پورے خطے میں جلد امن واپس آئے گا۔
