لنڈ ی کوتل میں مسیحی برادری نے ایران امریکا جنگ بندی میں پاکستان حکومت کی جانب سے اہم کردار ادا کرنے پر پاک فوج اور وزیر اعظم کی حق میں یوم تشکر ریلی نکالی۔
مزید پڑھیں: وزیراعظم سے فیلڈ مارشل عاصم منیر کی ملاقات، علاقائی امن کے لیے ثالثی کی کوششوں پر پیشرفت کا جائزہ
مسیحی برادری کے پاک فوج اور وزیر اعظم کے حق میں نکالی گئی ریلی میں پاکستان زندہ باد، پاک فوج زندہ باد، فیلڈ مارشل عاصم منیر زندہ باد، وزیر اعظم شہباز شریف زندہ باد کے نعرے لگائے۔
یوم تشکر ریلی کے موقع پر سابق اقلیتی ممبر صوبائی اسمبلی ویلسن وزیر نے ریلی کی شرکا سے خطاب کرتے ہوئے کہا کہ ایران امریکا جنگ بندی ثالثی میں پاکستان حکومت کی طرف سے فیلڈ مارشل عاصم منیر اور وزیر اعظم شہباز شریف نے اہم کردار ادا کیا۔ اس اقدام پر پوری دنیا پاکستان حکومت کو خراج تحسین پیش کرتی ہے۔
انہوں نے کہا کہ پاکستان نے ہمیشہ دنیا میں مختلف ممالک میں قیام امن میں کردار ادا کیا ہے اس لیے اس اہم موقع پر پاکستان حکومت نے امریکا ایران کے درمیان 2 ہفتے کے لیے جنگ بندی کرکے خطے کے صورتحال بدل دیا ہے اور اب دونوں ممالک کے درمیان کشیدگی کے خاتمے کے لیے مذاکرات کا آغاز ہوا ہے جو خوش آئند ہے۔
مزید پڑھیں: ایران جنگ بندی میں وزیراعظم شہباز شریف اور فیلڈ مارشل عاصم منیر کی کوششوں کو قدر کی نگاہ سے دیکھتے ہیں، قطر
اس لیے علاقے کے مشران اور مسیحی برادری پاکستان حکومت، فیلڈ مارشل عاصم منیر اور وزیراعظم شہباز شریف اور دیگر اعلیٰ حکام کو اس کامیابی پر خراج تحسین اور سلام پیش کرتے ہیں۔
