’دیکھا جائے گا کہ صورتحال کس طرف جاتی ہے‘، ڈونلڈ ٹرمپ کا اسلام آباد مذاکرات پر تبصرہ

 امریکی صدر ڈونلڈ ٹرمپ نے اسلام آباد میں ہونے والے امریکا ایران مذاکرات سے قبل میڈیا سے گفتگو کرتے ہوئے کہا ہے کہ ایران کو پہلے ہی فوجی شکست ہو چکی ہے اور اب آبنائے ہرمز کو ہر صورت کھولا جائے گا، جبکہ ایران کو جوہری ہتھیار حاصل کرنے کی ہرگز اجازت نہیں دی جائے گی۔

ہم دیکھیں گے کہ مذاکرات میں کیا ہو رہا ہے،ایران فوجی طور پر شکست کھا چکے ہے اور اب ہم آبنائےہرمزکو کھولنے جا رہے ہیں۔مذاکرات کیلئےہمارے پاس ایک اچھی ٹیم ہے اور وہ کل ملاقات کریں گے۔ پھر ہم دیکھیں گے کہ یہ سب کیسے آگے بڑھتا ہے،ڈونلڈٹرمپ pic.twitter.com/131fRKExv9

— WE News (@WENewsPk) April 10, 2026

میڈیا سے بات کرتے ہوئے ڈونلڈ ٹرمپ نے کہا کہ مذاکرات کے نتائج کا انتظار کیا جائے گا، تاہم امریکا اس بات کو یقینی بنائے گا کہ آبنائے ہرمز کھلی رہے۔ ان کا کہنا تھا کہ ان کے پاس ایک مضبوط مذاکراتی ٹیم موجود ہے جو کل ملاقات کرے گی اور اس کے بعد صورتحال مزید واضح ہوگی۔ انہوں نے کہا کہ اگر معاملات تیزی سے حل نہ ہوئے تو امریکا ایک یا دوسرے طریقے سے انہیں انجام تک پہنچانے کی صلاحیت رکھتا ہے۔

یہ بھی پڑھیں:ایران کا اعلیٰ سطحی وفد اسلام آباد پہنچ گیا، نائب وزیراعظم اسحاق ڈار اور فیلڈ مارشل عاصم منیر نے استقبال کیا

امریکی صدر نے دعویٰ کیا کہ ایران کو عسکری طور پر شکست ہو چکی ہے اور خطے میں امریکی کارروائیوں کے نتیجے میں اس کی دفاعی صلاحیت کو شدید نقصان پہنچا ہے۔ انہوں نے کہا کہ بحریہ، فضائیہ اور دفاعی نظام کو ختم کر دیا گیا ہے اور اب دیکھا جائے گا کہ صورتحال کس طرف جاتی ہے۔

رپورٹر: آپ انہیں آبنائے پر ٹول لینے کی اجازت تو نہیں دیں گے نا؟
ٹرمپ:نہیں، ہم ایسا ہونے نہیں دیں گے، یہ بین الاقوامی پانی ہے۔ اگر وہ ایسا کرنے کی کوشش کریں گے تو ہم انہیں ایسا نہیں کرنے دیں گے۔ pic.twitter.com/MfosKNB7jD

— WE News (@WENewsPk) April 10, 2026

ایک سوال کے جواب میں ڈونلڈ ٹرمپ نے واضح کیا کہ امریکا ایران کو آبنائے ہرمز پر کسی قسم کا ٹیکس یا محصول وصول کرنے کی اجازت نہیں دے گا کیونکہ یہ بین الاقوامی سمندری گزرگاہ ہے۔ انہوں نے کہا کہ اگر ایران ایسی کوئی کوشش کرتا ہے تو اسے روکا جائے گا۔

یہ بھی پڑھیں:فیلڈ مارشل جنگ کے شعلے بجھانے اور امن کی راہ ہموار کرنے میں کلیدی کردار ادا کیا، شہباز شریف

ایک اور سوال پر انہوں نے کہا کہ کسی بھی معاہدے کی سب سے اہم شرط یہ ہوگی کہ ایران جوہری ہتھیار حاصل نہ کرے۔ ان کا کہنا تھا کہ یہی بنیادی نکتہ ہے اور اس کے بغیر کوئی معاہدہ قابل قبول نہیں ہوگا۔

ٓآپ کیلئے بہترین ڈیل کیاہوگی؟صحافی کاسوال
ڈونلڈ ٹرمپ :سب سے اہم شرط یہ ہے کہ ایران جوہری ہتھیار حاصل نہ کرے۔ pic.twitter.com/6YFEoluJIw

— WE News (@WENewsPk) April 10, 2026

ڈونلڈ ٹرمپ نے مزید کہا کہ آبنائے ہرمز کھلنا ناگزیر ہے کیونکہ عالمی تجارت اور دیگر ممالک کا انحصار اس پر ہے، اور اگر ایران خود اسے نہ کھولے تو بھی اسے کھول دیا جائے گا۔ انہوں نے کہا کہ امریکا خود اس گزرگاہ پر زیادہ انحصار نہیں کرتا، تاہم دیگر ممالک اس سے فائدہ اٹھاتے ہیں اور وہ بھی اس عمل میں معاون ثابت ہوں گے۔