کراچی سمیت سندھ اور بلوچستان کے مختلف علاقوں میں آج سے درجہ حرارت میں اضافے کا امکان ظاہر کیا گیا ہے جبکہ شہر قائد میں یہ سلسلہ منگل تک جاری رہ سکتا ہے۔
یہ بھی پڑھیں: اسکردو کی قیمتی ٹراؤٹ مچھلی موسمیاتی تبدیلی کے اثرات کی زد میں
موسمیاتی ماہرین کے مطابق بحیرۂ عمان کے ساحلی علاقوں کے قریب اینٹی سائیکلونک سسٹم موجود ہے جس کے باعث سمندری ہوائیں متاثر ہو رہی ہیں۔ اس صورتحال کے نتیجے میں گرمی کی شدت میں اضافہ دیکھنے میں آ سکتا ہے۔
درجہ حرارت کہاں تک جا سکتا ہے؟
ماہرین کے مطابق کراچی کے مختلف علاقوں میں زیادہ سے زیادہ درجہ حرارت 37 سے 39 ڈگری سینٹی گریڈ تک جا سکتا ہے جبکہ کم نمی کے باعث محسوس ہونے والی گرمی 38 سے 40 ڈگری سینٹی گریڈ تک پہنچ سکتی ہے۔
کیا یہ ہیٹ ویو ہے؟
موسمیاتی تجزیہ کاروں کا کہنا ہے کہ موجودہ گرمی کی لہر کو ہیٹ ویو قرار نہیں دیا جا سکتا۔
مزید پڑھیے: موسمیاتی تبدیلی کا مشروبات کے استعمال میں اضافے سے کیا تعلق ہے؟
توقع ہے کہ شام اور رات کے اوقات میں ہلکی رفتار سے سمندری ہوائیں دوبارہ بحال ہو جائیں گی جس سے موسم میں کسی حد تک بہتری آئے گی۔
آئندہ موسم کی پیشگوئی
ماہرین کے مطابق اپریل کے آخری دنوں یا مئی کے آغاز میں کراچی سمیت سندھ کے مختلف علاقوں میں بارشوں کا امکان موجود ہے۔
مزید پڑھیے: شدید بارشیں اور سیلاب: کلاؤڈ برسٹ، موسمیاتی تبدیلی یا ناقص منصوبہ بندی؟
شہریوں کو مشورہ دیا گیا ہے کہ دھوپ میں غیر ضروری باہر نکلنے سے گریز کریں، پانی کا زیادہ استعمال کریں اور احتیاطی تدابیر اختیار کریں۔
