اسلام آباد ٹاکس کے موقع پر جناح کنونشن سینٹر میں قائم میڈیا فسیلیٹیشن سینٹر میں ملکی و غیر ملکی صحافیوں کے لیے پرتکلف ضیافت اور بہترین سہولیات کا اہتمام کیا گیا۔
میڈیا فسیلیٹیشن سینٹر میں صحافیوں کے لیے لذیذ کھانوں کا خصوصی انتظام کیا گیا جہاں بریانی، چکن قورمہ، فرائیڈ رائس اور چکن منچورین پیش کی گئیں جبکہ باربی کیو ڈشز میں کباب، تکے اور دیگر گرل آئٹمز بھی شامل تھے۔
صحافیوں کی تواضع کے لیے میٹھے میں جلیبی اور گلاب جامن پیش کیے گئے جبکہ چائے کے ساتھ سموسے، پیٹس اور مختلف بیکری آئٹمز بھی فراہم کیے گئے۔
جناح کنونشن سینٹر میں میڈیا نمائندوں کے لیے خوشگوار ماحول فراہم کیا گیا جہاں موسیقی کا بھی اہتمام کیا گیا تھا۔
اسلام آباد ٹاکس کی کوریج کے لیے دنیا بھر سے آئے صحافیوں کو خصوصی سہولیات فراہم کی گئیں، جن میں انٹرنیٹ، ورک اسٹیشنز اور ریفریشمنٹ کی مکمل سہولت شامل ہے۔
پاکستان کی میزبانی میں جاری اسلام آباد مذاکرات غیر ملکی میڈیا کی بھرپور توجہ کا مرکز بنے ہوئے ہیں جبکہ میڈیا نمائندوں کا کہنا ہے کہ پاکستان کی جانب سے بہترین انتظامات کیے گئے ہیں۔
اسلام آباد ٹاکس کے دوران عالمی میڈیا کے لیے سازگار ماحول اور مکمل سہولیات کی فراہمی کو یقینی بنایا گیا ہے۔
