ڈیرہ اسماعیل خان کی تحصیل درازندہ میں زہریلا حلوہ کھانے سے 3 کم عمر بچوں کی ہلاکت کا دلخراش واقعہ سامنے آیا ہے۔
پولیس حکام کے مطابق متاثرہ خاندان پہاڑی علاقے میں محنت مزدوری کے لیے مقیم تھا، بچوں نے جنگل میں پڑا ہوا حلوہ کھایا، جس کے فوری بعد ان کی طبیعت بگڑ گئی اور وہ دم توڑ گئے۔
یہ بھی پڑھیے: بین الاقوامی پرواز میں بچے کی پیدائش، شہریت اور قانونی شناخت پر نئی بحث کا آغاز
پولیس کا کہنا ہے کہ واقعے کا مقدمہ درج کر کے تحقیقات شروع کر دی گئی ہیں، جبکہ اس بات کا تعین کیا جا رہا ہے کہ حلوہ کس نے رکھا اور اس میں کیا مضر اجزا شامل تھے۔
حکام نے مزید کہا کہ ہر پہلو سے تفتیش جاری ہے تاکہ واقعے کی اصل وجوہات سامنے لائی جا سکیں، جبکہ مضر خوراک کے بڑھتے ہوئے واقعات پر تشویش کا اظہار بھی کیا جا رہا ہے۔
