پاکستانی شوبز انڈسٹری کی معروف اداکارہ رمشا خان نے اپنے آفیشل انسٹاگرام اکاؤنٹ سے تمام پوسٹس ڈیلیٹ کر دی ہیں جس کے بعد مداحوں میں چہ مگوئیاں شروع ہو گئی ہیں۔ سوشل میڈیا صارفین اس اقدام کو ان کی زندگی میں ممکنہ نئے آغاز سے تعبیر کر رہے ہیں جبکہ کچھ حلقے اسے ان کی ذاتی زندگی میں اہم پیش رفت خصوصاً ممکنہ شادی سے بھی جوڑ رہے ہیں۔
تاحال اداکارہ کی جانب سے اس حوالے سے کوئی باضابطہ بیان سامنے نہیں آیا جس کے باعث قیاس آرائیوں کا سلسلہ جاری ہے۔ مداحوں اور شوبز حلقوں کی نظریں اب اس بات پر مرکوز ہیں کہ آیا یہ قدم کسی نئے پراجیکٹ کا پیش خیمہ ہے یا واقعی ان کی ذاتی زندگی میں کسی بڑی تبدیلی کا عندیہ۔
View this post on Instagram
واضح رہے کہ اداکارہ رمشا خان اور خوشحال خان کی خفیہ شادی کی افواہوں کے بعد خوشحال خان نے خاموشی توڑتے ہوئے کہا تھا کہ اس خبر کا حقیقت سے کوئی تعلق نہیں ہے۔ انہوں نے انسٹاگرام پر اپنے پیغام میں کہا کہ ’ہو گئی کلاوٹ چیزنگ، اب کام پر واپس آئیں‘۔
یاد رہے کہ سوشل میڈیا پر ایک پلیٹ فارم کی جانب سے دعویٰ کیا گیا تھا کہ شوبز کے دو اے لسٹ اداکاروں نے خفیہ طور پر شادی کر لی ہے، مذکورہ خبر میں کسی بھی فنکار کا نام ظاہر نہیں کیا گیا تاہم مختلف سوشل میڈیا پیجز اور صارفین نے قیاس آرائیاں کرتے ہوئے اس مبینہ جوڑی کو رمشا خان اور خوشحال خان قرار دینا شروع کر دیا۔
View this post on Instagram
دونوں فنکار اپنے منفرد انتخاب اور معیاری کام کی وجہ سے پہچانے جاتے ہیں جبکہ مداح ان کی آن اسکرین کیمسٹری کو بھی بے حد پسند کرتے ہیں۔ اس وجہ سے اس خبر نے مداحوں میں تجسس پیدا کر دیا تھا۔
