وزیراعظم شہبازشریف اور کینیڈا کے وزیراعظم مارک کارنی کے درمیان ٹیلیفونک رابطہ ہوا ہے، جس میں دوطرفہ تعلقات سمیت علاقائی صورتحال پر تبادلہ خیال کیا گیا۔
ترجمان وزیراعظم ہاؤس کے مطابق وزیراعظم پاکستان نے امریکا اور ایران کے درمیان جنگ بندی اور مذاکراتی عمل میں پاکستان کی سہولت کاری کی کوششوں کو سراہنے پر کینیڈین ہم منصب کا شکریہ ادا کیا۔
یہ بھی پڑھیں: آسٹریلیا کا مشرق وسطیٰ جنگ بندی کا خیرمقدم، شہباز شریف کا شکریہ اور پاکستان کے کردار کا اعادہ
انہوں نے اس عزم کا اعادہ کیا کہ پاکستان خطے میں امن و استحکام کے قیام کے لیے اپنا بھرپور کردار ادا کرتا رہے گا۔
I received a call from Prime Minister Mark Carney of Canada, this evening.
I thanked him for Canada’s endorsement of Pakistan’s efforts in facilitating the U.S.–Iran ceasefire and talks.
I reiterated Pakistan’s commitment to advancing regional peace and stability.
We also…
— Shehbaz Sharif (@CMShehbaz) April 13, 2026
دونوں رہنماؤں نے پاکستان اور کینیڈا کے درمیان مختلف شعبوں میں تعاون بڑھانے پر اتفاق کیا، جس میں خاص طور پر زراعت، کلین انرجی، کان کنی اور معدنیات کے شعبوں میں تجارت اور سرمایہ کاری کو فروغ دینے پر غور کیا گیا۔
اس موقع پر وزیراعظم پاکستان نے کینیڈین وزیراعظم مارک کارنی کو دورہ پاکستان کی دعوت بھی دی، جسے انہوں نے خوش دلی سے قبول کرتے ہوئے باہمی طور پر طے شدہ وقت پر دورہ کرنے کا یقین دلایا۔
دونوں وزرائے اعظم نے عالمی فورمز پر مشترکہ مفادات کے لیے مل کر کام کرنے کے عزم کا اظہار کیا۔
