بانی پی ٹی آئی عمران خان کی اہلیہ بشریٰ بی بی کو علاج کے لیے جیل سے اسپتال منتقل کیے جانے کی تصدیق چیئرمین تحریک انصاف بیرسٹر گوہر علی خان نے کر دی ہے۔
انہوں نے کہا ہے کہ بشریٰ بی بی کی صحت کے حوالے سے تشویش بڑھ رہی ہے اور ان کے اہل خانہ کو فوری طور پر ملاقات کی اجازت دی جانی چاہیے، جبکہ عمران خان کو بھی علاج کی غرض سے اسپتال منتقل کیا جانا چاہیے۔
Late night I was informed thought a message that Bushra BB had been shifted to the hospital last night and that I would be briefed about the treatment. Awaiting that I would request meeting of family members with her. And also meeting of khan sab’s family with him and that khan…
— Barrister Gohar Khan (@BarristerGohar) April 17, 2026
بیرسٹر گوہر علی خان نے سوشل میڈیا پر گردش کرنے والی خبروں کی تصدیق کرتے ہوئے کہا کہ گزشتہ رات انہیں اطلاع دی گئی تھی کہ بشریٰ بی بی کو علاج کے لیے اسپتال منتقل کیا گیا ہے اور ان کے علاج سے متعلق انہیں بعد میں بریفنگ دی جائے گی۔
انہوں نے کہا کہ وہ اس وقت مزید تفصیلات کے منتظر ہیں اور مطالبہ کرتے ہیں کہ بشریٰ بی بی کے اہل خانہ کو ان سے ملاقات کی اجازت دی جائے۔ ان کا کہنا تھا کہ اسی طرح عمران خان کے اہل خانہ کی بھی ان سے ملاقات کروائی جائے اور انہیں بھی فوری طور پر علاج کے لیے اسپتال منتقل کیا جائے۔
یہ بھی پڑھیں:عمران خان اور بشریٰ بی بی کی اڈیالہ جیل میں ملاقات کرادی گئی
بیرسٹر گوہر نے کہا کہ یہ عمل جتنا جلد ممکن ہو کیا جانا چاہیے کیونکہ یہ قانون کے مطابق بنیادی حق ہے۔ انہوں نے مزید کہا کہ بشریٰ بی بی کی صحت ٹھیک نہیں اور اس صورتحال پر ہر پاکستانی کو شدید تشویش ہے۔
