امریکی وزیرِ جنگ پیٹ ہیگسیتھ ایک عجیب غلطی کے باعث سوشل میڈیا پر تنقید اور مذاق کا نشانہ بن گئے، جب انہوں نے ایک فرضی اقتباس کو بائبل کی آیت کے طور پر پیش کر دیا۔
درحقیقت وہ دراصل ہالی وڈ ہدایتکار کوئنٹن ٹیرنٹینو کی مشہور فلم ‘پلپ فکشن’ سے لیا گیا مکالمہ تھا، اس واقع کے بعد سوشل میڈیا پر ان کے خلاف تبصروں اور میمز کا تاننا بندھ گیا۔
رپورٹس کے مطابق، پینٹاگون میں ایک دعائیہ تقریب کے دوران پیٹ ہیگستھ نے، جو اکثر اپنے خطابات میں بائبل اور حضرت عیسیٰؑ کا حوالہ دیتے رہے ہیں، ایک طویل اقتباس پڑھا جسے انہوں نے بائبل کی آیت ظاہر کیا۔
Secretary of War Pete Hegseth quotes a fake Pulp Fiction Bible verse during Pentagon sermon
He runs a bible study at the White House every week pic.twitter.com/U4Q9NYLmf5
— HOT SPOT (@HotSpotHotSpot) April 16, 2026
یہ اقتباس دراصل فلم ‘پلپ فکشن’ میں اداکار سیموئیل ایل جیکسن کے کردار ‘جولز وِن فیلڈ’ کا مشہور مکالمہ ہے، جو فلم میں بائبل کے ایک خیالی حوالے کے طور پر پیش کیا گیا تھا۔
پیٹ ہیگستھ نے اس اقتباس کو ایک فوجی دعا کے طور پر بیان کرتے ہوئے دعویٰ کیا کہ یہ امریکی فضائیہ کی ریسکیو ٹیم ‘سینڈی ون’ استعمال کرتی ہے۔
تاہم، ان کے بیان اور فلمی مکالمے میں معمولی لفظی تبدیلیوں کے سوا خاص فرق نہیں پایا گیا، جس پر ناقدین نے فوری نشاندہی کی۔
Who among us has not mistaken the holy words of Quentin Tarantino's Pulp Fiction for biblical scripture?
— Mary L Trump (@MaryLTrump) April 16, 2026
ادھر پینٹاگون کے ترجمان شون پارنیل نے وضاحت دیتے ہوئے کہا کہ وزیر جنگ نے ایک خصوصی دعا کا حوالہ دیا جو پلپ فکشن کے مکالمے سے متاثر ہے، اور یہ سب بائبل کی کتاب ایزیکیئل سے ماخوذ ہے۔
تاہم ناقدین نے اس مؤقف کو مسترد کرتے ہوئے اسے حقیقت سے انکار قرار دیا۔
واضح رہے کہ بائبل کے اصل متن کنگ جیمز ورژن میں مذکورہ آیت اس انداز میں نہیں لکھی گئی جیسا کہ فلم یا پیٹ ہیگستھ کے بیان میں پیش کیا گیا۔
Pete Hegseth is doing to Christianity what Al-Qaeda did to Islam. pic.twitter.com/HJ0uT7KuyD
— Christopher Hale (@ChristopherHale) April 15, 2026
واقعے کے بعد سوشل میڈیا پر صارفین نے پیٹ ہیگستھ کو شدید تنقید کا نشانہ بنایا، بعض نے انہیں ‘جعلی عیسائی’ اور ‘مسخرہ’ قرار دیا، جبکہ کچھ نے اس واقعے کو طنزیہ انداز میں ایک کامیڈی شو کے منظر سے تشبیہ دی۔
کیلیفورنیا کے گورنر گیون نیوسم نے بھی فلم پلپ فکشن کے پوسٹر کی طرز پر ایک طنزیہ تصویر شیئر کر کے اس معاملے پر ردعمل دیا۔
