ایران و امریکا مذاکرات کے دوسرے دور کی آمد آمد پر اسلام آباد کے شہریوں کا کہنا ہے کہ دنیا کی سپر پاور اور برادر ملک دونوں پاکستان پر بھرپور اعتماد کرتے ہیں جو پوری قوم کے لیے افتخاراور مسرت کا باعث ہے۔
یہ بھی پڑھیں: امریکا ایران مذاکرات کا فائنل راؤنڈ، اسلام آباد ایک بار پھر شاندار میزبانی کے لیے تیار
مذاکرات کے میزبان شہر کے باسی اس بات پر پورا یقین رکھتے ہیں کہ اس مرتبہ وزیراعظم شہباز شریف اور فیلڈ مارشل سید عاصم منیر ایران اور امریکا کے درمیان امن معاہدہ کرواکر ہی دم لیں گے۔
شہریوں کے مطابق پاکستان نے قائدانہ کردار ادا کرتے ہوئے دنیا کو تیسری جنگ عظیم سے بچالیا ہے اور اس مخلصانہ و مثبت عمل اور کردار کو پوری عالمی برادری سراہ رہی ہے۔
مزید پڑھیں: ڈونلڈ ٹرمپ کے خیرسگالی پر مبنی الفاظ کو قدر کی نگاہ سے دیکھتا ہوں، وزیراعظم شہباز شریف
اپنے ملک کے اس مثالی اور شاندار کردار پر پھولے نہ سماتے پاکستان کے شہری امید ظاہر کرتے ہیں کہ وطن عزیز کی بدولت ہونے والے ممکنہ امن معاہدے پر دستخط کے لیے امریکی صدر ڈونلڈ ٹرمپ ضرور بذات خود اسلام آباد آئیں گے کیونکہ وہ پاکستان اور اس کی قیادت کو بیحد پسند کرتے ہیں۔
