اسپورٹس بورڈ پنجاب کے تحت ملک کی تاریخ کے سب سے بڑے میراتھن اور سائیکلنگ ایونٹ کی تمام تیاریاں مکمل کرلی گئی ہیں۔
وزیراعلیٰ پنجاب نیشنل میراتھن اور سائیکلنگ ریس 2026 کل ہوگی، جس میں میں 11 ہزار سے زیادہ ایتھلیٹس اور شہریوں کی شرکت متوقع ہے۔
ایونٹ میں صوبائی وزیر کھیل پنجاب ملک فیصل ایوب کھوکھر سمیت دیگر صوبائی وزرا بطور مہمان خصوصی شریک ہوں گے۔
21 کلومیٹر میراتھن اور سائیکلنگ ریس کا آغاز صبح 6 بجے لبرٹی چوک سے ہوگا، جبکہ خواتین کے لیے 5 کلومیٹر کی میراتھن اور سائیکلنگ ریس بھی اسی مقام سے شروع کی جائے گی۔
اس کے علاوہ 2 کلومیٹر فیملی فن ریس اور ایک کلومیٹر ویل چیئر ریس بھی ایونٹ کا حصہ ہوں گی۔
ایونٹ میں اسپورٹس بورڈ پنجاب کے وائس چیئرمین ملک سلمان، سیکریٹری اسپورٹس پنجاب محمد علی اور ڈی جی اسپورٹس پنجاب محمد طارق قریشی بھی موجود ہوں گے۔
یوتھ افیئرز اور اسپورٹس ڈیپارٹمنٹ پنجاب کے مطابق تمام انتظامات مکمل کر لیے گئے ہیں اور ایونٹ کو کامیاب بنانے کے لیے تیاریاں حتمی مرحلے میں داخل ہو چکی ہیں۔
