بنگلہ دیش نیوی نے میانمار اسمگلنگ کی کوشش ناکام بناتے ہوئے 11 افراد کو سیمنٹ سے بھری کشتی سمیت حراست میں لے لیا۔ حکام کے مطابق کارروائی سینٹ مارٹن جزیرے کے قریب کی گئی۔
مزید پڑھیں:پاکستان کی مشرقِ وسطیٰ کشیدگی کے دوران فعال سفارت کاری بنگلہ دیش کے لیے مثال قرار
نیوی کے مطابق انٹیلیجنس اطلاعات پر کارروائی کرتے ہوئے گشتی جہاز بی این ایس سمودرا ابھیجان نے اتوار کی شب قریباً 11 بجے ایک مشتبہ انجن سے چلنے والی لکڑی کی کشتی کو سینٹ مارٹن لائٹ ہاؤس سے قریباً 12 ناٹیکل میل کے فاصلے پر روکا۔ کشتی کی شناخت ایف بی عبدالرحمن-2 کے نام سے کی گئی۔
تلاشی کے دوران کشتی سے ڈائمنڈ سیمنٹ کی 850 بوریاں برآمد ہوئیں جبکہ اسمگلنگ میں ملوث 11 افراد کو گرفتار کر لیا گیا۔
حکام کے مطابق ضبط کی گئی کشتی اور سامان کی مالیت قریباً 1 کروڑ 51 لاکھ ٹکا ہے۔ گرفتار افراد کے خلاف قانونی کارروائی جاری ہے جبکہ کشتی اور سامان سرکاری تحویل میں لے لیا گیا ہے۔
مزید پڑھیں:دنیش ترویدی بنگلہ دیش میں نئے بھارتی ہائی کمشنر ہوں گے؟
بنگلہ دیش نیوی کا کہنا ہے کہ وہ ملکی سمندری حدود کے تحفظ، اسمگلنگ کی روک تھام اور سیکیورٹی کو یقینی بنانے کے لیے اپنی کارروائیاں جاری رکھے گی، جبکہ 58 روزہ ماہی گیری پابندی پر بھی سختی سے عمل درآمد کروایا جا رہا ہے۔
