پاکستان سپر لیگ (پی ایس ایل) 2026 کے 30ویں میچ میں لاہور قلندرز اور کوئٹہ گلیڈی ایٹرز کے درمیان مقابلہ قذافی اسٹیڈیم لاہور میں جاری ہے جہاں لاہور قلندرز نے پہلے بیٹنگ کرتے ہوئے حریف ٹیم کو جیت کے لیے 198 رنز کا ہدف دے دیا ہے۔
یہ بھی پڑھیں: معاہدے کی خلاف ورزی: سری لنکن کرکٹر داسن شناکا پی ایس ایل 12 کے لیے نااہل قرار
لاہور قلندرز نے ٹاس جیت کر پہلے بیٹنگ کا فیصلہ کیا اور وہ فیصلہ بیحد مناسب بھی ثابت ہوا۔ کپتان شاہین آفریدی نے اپنی مضبوط بیٹنگ لائن پر اعتماد کا اظہار کیا تھا اور ٹیم نے آغاز سے ہی بڑے اسکور کی بنیاد رکھنے کی کوشش کی۔
لاہور کی جانب سے فخر زمان نے شاندار بیٹنگ کا مظاہرہ کرتے ہوئے صرف 51 گیندوں پر 123 رنز کی دھواں دار اننگز کھیلی جس میں متعدد چھکے اور چوکے شامل تھے۔ ان کی جارحانہ بیٹنگ نے ٹیم کو مضبوط پوزیشن میں پہنچایا۔
مزید پڑھیے: بابر اعظم نے پی ایس ایل میں تاریخی سنگ میل عبور کر لیا
دیگر کھلاڑیوں میں چارتھ آسلانکا نے 31 جبکہ ڈینیئل سیمز نے 18 رنز بنائے۔ لاہور قلندرز نے مقررہ 20 اوورز میں 6 وکٹوں کے نقصان پر 197 رنز اسکور کیے۔
کوئٹہ گلیڈی ایٹرز کی جانب سے خلیل احمد نمایاں بولر رہے جنہوں نے 2 وکٹیں حاصل کیں۔
مزید پڑھیں: پی ایس ایل 11: ’جائیں گھوم پِھر آئیں‘، ملتان سلطان نے کھلاڑیوں کو چھٹی دے دی
میچ کا آغاز مقامی وقت کے مطابق دوپہر 2:30 بجے ہوا اور اب کوئٹہ گلیڈی ایٹرز کو جیت کے لیے 198 رنز درکار ہیں۔
