چین نے ایران جنگ بندی میں توسیع پر ردعمل دیتے ہوئے کہا ہے کہ وہ تنازعات کے حل کے لیے سفارتکاری کی حمایت کرتا ہے۔
مزید پڑھیں:ایران امریکا مذاکرات پر دنیا کی نظریں مگر اس میں رکاوٹیں کیا ہیں؟
چینی وزارت خارجہ کے ترجمان کے مطابق خطے کی موجودہ صورتحال نہایت نازک مرحلے میں داخل ہو چکی ہے، جہاں جنگ اور امن کے درمیان توازن برقرار رکھنا انتہائی اہم ہے۔
ترجمان نے زور دیا کہ دوبارہ کشیدگی اور جارحیت کو روکنا اولین ترجیح ہونی چاہیے تاکہ خطے میں استحکام برقرار رکھا جا سکے۔
دوسری جانب ایران نے مؤقف اختیار کیا ہے کہ امریکا نے یکطرفہ طور پر جنگ بندی میں توسیع کا اعلان کیا ہے اور تہران نے مذاکرات کے لیے امریکی شرائط کو مسترد کر دیا ہے۔
مزید پڑھیں:ایران جنگ: امریکی دفاعی ذخائر متاثر، میزائل سپلائی پر سوالات
واضح رہے کہ امریکی صدر ڈونلڈ ٹرمپ نے حال ہی میں ایران کے ساتھ جنگ بندی کو غیر معینہ مدت تک بڑھانے کا اعلان کیا تھا تاکہ امن مذاکرات کے لیے مزید وقت حاصل کیا جا سکے، تاہم اس پیشرفت پر دیگر متعلقہ فریقین کی مکمل حمایت تاحال واضح نہیں ہو سکی۔
