سپریم کورٹ آزاد جموں و کشمیر نے اہم فیصلہ سناتے ہوئے پاکستان تحریک انصاف کے رہنما چوہدری محمد مقبول گجر کو دوبارہ رکن قانون ساز اسمبلی بحال کر دیا ہے، جس کے بعد ان کی نااہلی کا فیصلہ کالعدم ہو گیا۔
سپریم کورٹ آزاد جموں و کشمیر نے چوہدری محمد مقبول گجر کی رکنیت بحال کرتے ہوئے انہیں دوبارہ آزاد جموں و کشمیر قانون ساز اسمبلی کا رکن قرار دے دیا ہے۔
یہ بھی پڑھیں:شاہ غلام قادر آزاد کشمیر اسمبلی میں اپوزیشن لیڈر مقرر، اسپیکر نے منظوری دے دی
چوہدری محمد مقبول گجر، جو پاکستان تحریک انصاف سے تعلق رکھتے ہیں، 2021 کے عام انتخابات میں حلقہ ایل اے-35 جموں 2 (گوجرانوالہ/سیالکوٹ) سے منتخب ہوئے تھے۔
بعد ازاں الیکشن کمیشن آزاد جموں و کشمیر نے دوبارہ گنتی کے عمل کے دوران، انتخابات کے تقریباً 2 سال بعد انہیں نااہل قرار دیتے ہوئے ان کی نشست پر مسلم لیگ (ن) کے چوہدری محمد اسماعیل گجر کو کامیاب قرار دے دیا تھا۔
تاہم حالیہ عدالتی فیصلے کے بعد چوہدری محمد مقبول گجر کی رکنیت بحال ہو گئی ہے اور وہ دوبارہ اسمبلی کے رکن کی حیثیت سے اپنی ذمہ داریاں ادا کریں گے۔
اس کیس میں چوہدری محمد مقبول گجر کی جانب سے بیرسٹر ہمایوں نواز نے عدالت میں دلائل دیے۔
