پاکستان سپر لیگ میں آج (بروز بدھ) جہاں حیدرآباد کنگز مین نے ملتان سلطانز کے خلاف ناممکن کو ممکن کر دکھایا، وہیں لاہور میں پشاور زلمی کے 18 سالہ نوجوان فاسٹ بولر علی رضا نے تاریخ رقم کردی ہے۔
یہ بھی پڑھیں: پی ایس ایل 11: عثمان خان کی دھواں دار سینچری کی بدولت حیدرآباد کنگز مین نے ملتان سلطانز کو شکست دیدی
علی رضا نے کراچی کنگز کے خلاف قذافی اسٹیڈیم میں 149 کلومیٹر فی گھنٹہ کی رفتار سے بجلی کی سی تیز بولنگ کرتے ہوئے پی ایس ایل کی تاریخ کی سب سے کم عمر ترین ہیٹ ٹرک کرنے والے بولر کا اعزاز حاصل کیا۔
Warner’s off-stump goes for a walk 🎯
Ali Raza delivers the first blow for Zalmi 🔥#HBLPSL11 | #NewEra | #KKvPZ pic.twitter.com/JyuhmWkeS3
— PakistanSuperLeague (@thePSLt20) April 22, 2026
ایک موقع پر کراچی کی ٹیم 161 رنز پر صرف 3 وکٹیں گنوا کر کافی مضبوط پوزیشن میں تھی، لیکن اننگز کے آخری اوور میں علی رضا نے تباہی مچا دی اور مسلسل 3 گیندوں پر خوشدل شاہ، شاہد عزیز اور پھر حسن علی کو ٹھکانے لگا کر اپنی ہیٹ ٹرک مکمل کی۔
Ali Raza writes his name in the record books with a sensational hat-trick. The youngest Pakistani and first Zalmi bowler to achieve the feat 👏#HBLPSL11 | #NewEra | #KKvPZ pic.twitter.com/12CmdqZXzZ
— PakistanSuperLeague (@thePSLt20) April 22, 2026
کراچی کنگز کے اوپنر جیسن رائے نے 85 رنز کی شاندار اننگز کھیل کر اپنی ٹیم کو بڑے اسکور کی امید دلائی تھی، مگر علی رضا کے اس یادگار اسپیل کی بدولت کراچی کی بیٹنگ لائن آخری چند گیندوں میں مکمل طور پر بکھر گئی اور ٹیم محض 182 رنز تک محدود رہ گئی۔
☝☝☝
Ali Raza at his fiery best against Karachi Kings as he becomes the youngest Pakistan bowler to claim a T20 hat-trick 🎩#HBLPSL11 | #NewEra | #KKvPZ pic.twitter.com/Fn77B2PDq2
— PakistanSuperLeague (@thePSLt20) April 22, 2026
علی رضا نے اپنے چار اوورز میں 41 رنز دے کر 4 اہم وکٹیں حاصل کیں اور یہ ثابت کر دیا کہ وہ انڈر 19 ورلڈ کپ کی طرح پی ایس ایل کے بڑے اسٹیج پر بھی اپنی دھاک بٹھانے کی پوری صلاحیت رکھتے ہیں۔ اس زبردست بولنگ پرفارمنس نے پشاور زلمی کی جیت کی راہ ہموار کر دی اور شائقینِ کرکٹ کو ایک نیا ابھرتا ہوا ستارہ مل گیا۔
