وفاقی وزیرداخلہ محسن نقوی سے امریکی سفیر نیٹلی بیکر نے اہم ملاقات کی جس میں خطے کی تازہ ترین صورتحال پر تفصیلی تبادلہ خیال کیا گیا۔
مزید پڑھیں: جے ڈی وینس کی قیادت میں امریکی وفد ایران سے مذاکرات کے لیے اسلام آباد روانہ ہوگیا، امریکی صدر ڈونلڈ ٹرمپ
ملاقات کے دوران مذاکرات کے دوسرے راؤنڈ کے انعقاد سے متعلق سفارتی کاوشوں پر بھی گفتگو ہوئی۔ وزیرداخلہ نے جنگ بندی میں توسیع کے لیے امریکی صدر ڈونلڈ ٹرمپ کے اقدام کو سراہتے ہوئے اسے کشیدگی میں کمی کی جانب اہم پیشرفت قرار دیا۔
محسن نقوی سے نیٹلی بیک کی ملاقات: مذاکرات کے دوسرے راؤنڈ کے انعقاد سے متعلق سفارتی کاوشوں پر گفتگو ہوئی۔ وزیرداخلہ نے جنگ بندی میں توسیع کے لیے امریکی صدر ڈونلڈ ٹرمپ کے اقدام کو سراہتے ہوئے اسے کشیدگی میں کمی کی جانب اہم پیشرفت قرار دیا۔@iamabidmalik @azamshaam #IranWar pic.twitter.com/G68LqUti0q
— Media Talk (@mediatalk922) April 23, 2026
محسن نقوی کا کہنا تھا کہ تنازع کے دیرپا حل کے لیے سفارتی چینلز کا تسلسل ناگزیر ہے۔ انہوں نے امید ظاہر کی کہ ایران کی جانب سے بھی مثبت پیشرفت سامنے آئے گی۔
انہوں نے کہا کہ وزیراعظم شہباز شریف اور فیلڈ مارشل عاصم منیر مسئلے کے حل کے لیے ہر سطح پر بھرپور کوششیں کر رہے ہیں، اور توقع ہے کہ فریقین سفارتی اور پرامن حل کو موقع دیں گے۔
مزید پڑھیں: وزیر داخلہ محسن نقوی اور امریکی سفیر کی ملاقات، مذاکرات کے انتظامات پر گفتگو
اس موقع پر امریکی سفیر نیٹلی بیکر نے خطے میں قیام امن اور تنازع کے حل کے لیے پاکستان کے تعمیری کردار کو سراہا۔
