وائٹ ہاؤس کی ترجمان کیرولائن لیویٹ نے اسلام آباد میں ہونے والے اہم مذاکرات کے حوالے سے تازہ ترین صورتحال سے آگاہ کرتے ہوئے بتایا ہے کہ امریکی نائب صدر جے ڈی وینس فی الحال امریکا میں ہی قیام کریں گے اور وہاں سے مذاکراتی عمل کی براہِ راست نگرانی کریں گے۔
ترجمان کے مطابق اگرچہ نائب صدر فی الحال دورہ نہیں کررہے، تاہم ٹیم کے دیگر ارکان کو مکمل طور پر ‘اسٹینڈ بائے’ پر رکھا گیا ہے تاکہ ضرورت پڑنے پر وہ فوری طور پر پاکستان روانہ ہوسکیں۔
NEW: Karoline Leavitt says the White House has witnessed "progress" from Iran on peace talks:
"We've certainly seen some progress from the Iranian side in the last couple of days.
"The president has made the decision to send Steve and Jared to hear the Iranians out." pic.twitter.com/Y3Kx3Vp5Q9
— Fox News (@FoxNews) April 24, 2026
کیرولائن لیویٹ نے میڈیا سے گفتگو کے دوران پاکستان کی سفارتی کوششوں کی بھرپور تعریف کرتے ہوئے کہا کہ امریکی وفد کی پاکستان روانگی کا مقصد اسلام آباد کی ثالثی میں ہونے والے مذاکرات میں شرکت کرنا ہے۔
انہوں نے پاکستان کو ایک “شاندار اور بہترین ثالث” قرار دیتے ہوئے اعتراف کیا کہ پورے مذاکراتی عمل میں پاکستان کا کردار انتہائی کلیدی اور قابلِ ستائش رہا ہے۔
یہ بھی پڑھیں: امریکی نائب صدر جے ڈی وینس آج پاکستان نہیں آئیں گے، وائٹ ہاؤس نے تصدیق کردی
ترجمان کے اس بیان سے یہ واضح ہوتا ہے کہ امریکا خطے میں امن کی بحالی کے لیے پاکستان کی میزبانی میں ہونے والے ان مذاکرات کو انتہائی اہمیت دے رہا ہے۔
وائٹ ہاؤس کی جانب سے پاکستان کے سفارتی کردار کی اس سطح پر پذیرائی عالمی سطح پر پاکستان کے بڑھتے ہوئے اثر و رسوخ اور ‘امن کار’ کے طور پر اس کی ساکھ کی عکاسی کرتی ہے۔
