ایرانی وزیر خارجہ عباس عراقچی نے کہا ہے کہ ان کا پاکستان کا حالیہ دورہ انتہائی سودمند رہا ہے۔
اسلام آباد سے مسقط پہنچنے پر سوشل میڈیا پلیٹ فارم ایکس پر جاری بیان میں انہوں نے کہاکہ ایران نے جنگ کے مستقل خاتمے کے لیے قابل عمل فریم ورک سے متعلق اپنا مؤقف پیش کیا ہے، اور اب یہ دیکھنا باقی ہے کہ آیا امریکا سفارتکاری میں واقعی سنجیدہ ہے یا نہیں۔
Very fruitful visit to Pakistan, whose good offices and brotherly efforts to bring back peace to our region we very much value.
Shared Iran’s position concerning workable framework to permanently end the war on Iran. Have yet to see if the U.S. is truly serious about diplomacy.
— Seyed Abbas Araghchi (@araghchi) April 25, 2026
انہوں نے مزید کہاکہ ایران خطے میں امن کے قیام کے لیے پاکستان کی مخلصانہ اور برادرانہ کوششوں کو قدر کی نگاہ سے دیکھتا ہے۔
یاد رہے کہ دورہ پاکستان کے دوران ایرانی وزیر خارجہ عباس عراقچی نے وزیراعظم شہباز شریف اور فیلڈ مارشل عاصم منیر سے علیحدہ علیحدہ ملاقاتیں کیں۔
ملاقاتوں میں خطے کی مجموعی صورتحال، باہمی دلچسپی کے امور اور پاکستان و ایران کے دوطرفہ تعلقات کو مزید فروغ دینے پر تفصیلی تبادلہ خیال کیا گیا۔
دوسری جانب امریکی صدر ڈونلڈ ٹرمپ نے خصوصی ایلچی اسٹیو وٹکوف اور جیرڈ کشنر کا دورہ پاکستان منسوخ کردیا ہے۔
صدر ٹرمپ نے کہاکہ سارے کارڈز امریکا کے پاس ہیں، 18 گھنٹے کا سفر طے کرکے بے سود باتیں کرنے کا کوئی مقصد نہیں۔
