بنگلہ دیش حکومت کا ایس ایس سی امتحانات میں پرچہ لیکس کے خلاف زیرو ٹالرنس پالیسی کا اعلان

اتوار 26 اپریل 2026
icon-facebook icon-twitter icon-whatsapp

بنگلہ دیش حکومت نے کہا ہے کہ جاری سیکنڈری اسکول سرٹیفکیٹ (ایس ایس سی) امتحانات کے دوران پرچہ لیکس کو روکنے کے لیے زیرو ٹالرنس پالیسی پر سختی سے عمل کیا جا رہا ہے، جبکہ سوشل میڈیا پر لیکس سے متعلق افواہوں پر بھی گہری نظر رکھی جا رہی ہے۔

یہ بھی پڑھیں:بنگلہ دیش کی حساس تنصیبات پر حملوں کا خدشہ،  ملک بھر میں سیکیورٹی الرٹ جاری

وزیرِاعظم کے مشیر برائے تعلیم و متعلقہ امور مہدی امین نے اتوار کے روز فیس بک پر اپنے بیان میں کہا کہ حکام امتحانی پرچوں کی ترسیل کے عمل کی کڑی نگرانی کر رہے ہیں اور غلط معلومات پھیلانے والوں کے خلاف فوری کارروائی کی جا رہی ہے۔

انہوں نے بتایا کہ سائبر نگرانی اور ڈیجیٹل ٹریکنگ سسٹمز کو مزید مضبوط بنایا گیا ہے تاکہ آن لائن پلیٹ فارمز پر امتحانی بدعنوانی میں ملوث گروہوں کی نشاندہی کی جا سکے۔

مشیر کے مطابق ایک مبینہ فراڈ نیٹ ورک کے چار افراد کو کاؤنٹر ٹیررازم اینڈ ٹرانس نیشنل کرائم یونٹ نے گرفتار کیا ہے، جو طلبہ کو پیسے کے عوض پرچہ لیک ہونے کا جھانسہ دے رہے تھے۔

حکام کے مطابق یہ گروہ جعلی سوالات آن لائن پھیلاتا، لیکس کی افواہیں پھیلاتا اور طلبہ و والدین میں خوف و ہراس پیدا کرتا تھا۔

ڈھاکا ایجوکیشن بورڈ نے بھی طلبہ، والدین اور عوام کو خبردار کیا ہے کہ وہ سوشل میڈیا پر گردش کرنے والے پرچہ لیکس سے متعلق گمراہ کن دعوؤں پر یقین نہ کریں۔

مہدی امین نے کہا کہ ایک حالیہ ٹی وی رپورٹ میں پرچہ لیک ہونے کے دعوے کے کوئی ٹھوس شواہد پیش نہیں کیے گئے، اور یہ معاملہ اصل میں ایک منظم فراڈ ہے نہ کہ امتحانی نظام کی خلاف ورزی۔

یہ بھی پڑھیں:بنگلہ دیش: بھمرا بارڈر کے قریب سونا اسمگل کرنے کی کوشش ناکام، خاتون گرفتار

انہوں نے طلبہ کو مشورہ دیا کہ وہ بہتر نتائج کے لیے غیر اخلاقی طریقوں سے گریز کریں اور عوام سے اپیل کی کہ معلومات کی تصدیق کے بغیر انہیں آگے شیئر نہ کریں۔

ایس ایس سی امتحانات بنگلہ دیش کے اہم ترین عوامی امتحانات میں شمار ہوتے ہیں، جن میں ہر سال لاکھوں طلبہ ملک بھر سے حصہ لیتے ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

موبائل فون سے سم کارڈ نہ نکالنا برطانوی فوجی کو مہنگا پڑگیا، نازیبا تصاویر کے ذریعے بلیک میلنگ

پرانی یادیں تازہ: سونی نے سال 1979 کے مشہور واک مین ہیڈفونز نئے انداز میں متعارف کرادیے

جرمنی کو پہلی خاتون صدر ملنے کا امکان، چانسلر فریڈرک مرز اپنی امیدوار ایلسی آگنر کو سامنے لے آئے

خیبر پختونخوا کو دہشتگردی کے ماحول سے نکال کر اب سیاحت کی ترقی پر بھی توجہ ہے، گورنر خیبر پختونخوا

آپ کا بچہ اکیلے میں کس سے باتیں کرتا ہے؟ خیالی دوستوں کی حیران کن حقیقت

ویڈیو

اقبال کے کلام اور فکر کو آگے بڑھانے کی ضرورت ہے، ڈاکٹر بصیرہ عنبرین

16 برس قبل تباہ ہونے والا اسکول پی ٹی آئی حکومت 13 برس میں تعمیر نہ کرسکی

اسلام آباد کی سڑکوں پر چلتی پھرتی کافی شاپ، آنکھوں میں بڑے خواب سجائے نوجوان کی دلچسپ کہانی

کالم / تجزیہ

اقبال اور سعودی عرب

ہارا ہوا ٹرمپ کیا کرے گا؟

انور مسعود کی دیوارِ گریہ