بالی ووڈ اداکارہ پرنیتی چوپڑا کے شوہر اور راجیہ سبھا کے رکن راگھو چڈھا کے بھارتیہ جنتا پارٹی (بی جے پی) میں شمولیت اختیار کرنے کے بعد سوشل میڈیا پر انہیں شدید ردعمل کا سامنا ہے جبکہ انسٹاگرام پر ان کے فالوورز کی تعداد میں نمایاں کمی رپورٹ کی گئی ہے۔
رپورٹس کے مطابق راگھو چڈھا کے پارٹی تبدیل کرنے کے اعلان کے بعد 24 گھنٹوں کے اندر ان کے انسٹاگرام فالوورز میں تقریباً 10 لاکھ کی کمی دیکھی گئی۔ ان کے فالوورز کی تعداد 14.6 ملین تھی جو پارٹی تبدیل کرنے کے اعلان کے بعد کم ہو کر 12.5 ملین رہ گئی۔
Go to Raghav Chadha’s first post on Instagram, see how many unfollow comments are there. I can see lot of young people asking to unfollow.
Even Rohitash Khileri unfollowed him. He recently broke a world record by spending 24 continuous hours on top of Mount Elbrus in Europe… pic.twitter.com/IJonRviVYi
— Diksha Kandpal🇮🇳 (@DikshaKandpal8) April 25, 2026
راگھو چڈھا نے صرف اپنی جماعت تبدیل نہیں کی بلکہ اے اے پی کے چھ دیگر راجیہ سبھا ارکان کو بھی اپنے ساتھ بی جے پی میں شامل کیا جس کے بعد سوشل میڈیا پر ان کے خلاف ’غدار‘ اور ’دھوکے باز‘ جیسی مہم چلائی جا رہی ہے۔
سیاسی تجزیہ کاروں کے مطابق یہ آن لائن ردعمل زیادہ تر نوجوان طبقےخصوصاً جنریشن زی (Gen Z) کی جانب سے سامنے آیا ہے۔ نیشنل کانگریس پارٹی (شرد پوار گروپ) کے ترجمان انیش گاونڈے نے ایک بیان میں کہا کہ انسٹاگرام پر ایک منظم ’ان فالو مہم‘ کے باعث راگھو چڈھا کے فالوورز میں بڑی کمی دیکھنے میں آئی ہے۔ ان کے مطابق ’انٹرنیٹ کسی کو راتوں رات مقبول بھی بنا سکتا ہے اور اسی رفتار سے مقبولیت کم بھی کر سکتا ہے‘۔
