ملک بھر میں گرمی کی شدت برقرار ہے اور محکمہ موسمیات نے آئندہ 24 گھنٹوں کے دوران بیشتر علاقوں میں گرم اور خشک جبکہ جنوبی حصوں میں شدید گرم موسم کی پیشگوئی کی ہے۔
محکمہ موسمیات نے پیشگوئی کی ہے کہ آج ملک کے بیشتر علاقوں میں موسم گرم اور خشک رہے گا، جبکہ جنوبی علاقوں میں گرمی کی شدت میں مزید اضافہ متوقع ہے۔
یہ بھی پڑھیے 29 اپریل سے 3 مئی تک ہیٹ ویو کا خدشہ، محکمہ موسمیات نے الرٹ جاری کردیا
اعداد و شمار کے مطابق گزشتہ 24 گھنٹوں کے دوران سب سے زیادہ درجہ حرارت تربت اور نواب شاہ میں 46 ڈگری سینٹی گریڈ ریکارڈ کیا گیا۔ سکرنڈ میں پارہ 45 ڈگری تک پہنچ گیا، جبکہ دادو، لسبیلہ اور موہنجو داڑو میں درجہ حرارت 44 ڈگری سینٹی گریڈ ریکارڈ ہوا۔
دیگر شہروں میں حیدر آباد اور سکھر میں 42 ڈگری، ملتان اور ساہیوال میں 38 ڈگری، کراچی میں 35 ڈگری اور لاہور میں 34 ڈگری سینٹی گریڈ ریکارڈ کیا گیا۔ اسلام آباد اور پشاور میں زیادہ سے زیادہ درجہ حرارت 33 ڈگری رہا، جبکہ کوئٹہ اور مظفر آباد میں 30 ڈگری سینٹی گریڈ تک محدود رہا۔
یہ بھی پڑھیں: عالمی درجہ حرارت میں ایک ڈگری کی کمی ثقافتی ورثے کو تباہی سے بچا سکتی ہے، یونیسکو
ملک کے شمالی علاقے گلگت میں سب سے کم زیادہ سے زیادہ درجہ حرارت 23 ڈگری سینٹی گریڈ ریکارڈ کیا گیا۔
