ٹیسلا سیمی الیکٹرک ٹرک ماس پروڈکشن میں داخل: خصوصیات، رینج اور قیمت کا جائزہ

ٹیسلا سیمی الیکٹرک ٹرک آخرکار وسیع پیمانے پر پیداوار (ماس پروڈکشن) کے مرحلے میں داخل ہوگیا۔

یہ بھی پڑھیں: ٹیسلا نے ٹیکساس میں بغیر انسانی ڈرائیور والی ٹیکسی سروس لانچ کردی

امریکی کمپنی ٹیسلا نے ایکس پر تصدیق کی ہے اس ٹرک کی پروڈکشن کا آغاز نیواڈا کے گیگا فیکٹری میں ہوا ہے جو کہ سیمی ٹرک کے سنہ 2017 میں کانسیپٹ کی لانچ کے بعد طویل انتظار کے بعد ممکن ہوا۔ یہ اعلان ٹیسلا سیمی کے لیے ایک اہم لمحہ ہے کیونکہ الیکٹرک وہیکل (ای وی) کی دنیا میں اس کا مسابقتی منظرنامہ بہت سخت ہے۔

سیمی پروگرام ڈائریکٹر کے مطابق ڈین پریسٹلی اب تک ٹیسلا نے چند سو سیمی ٹرک بنائے ہیں لیکن یہ کم حجم کی اسمبلی لائن پر تھے۔ اب کمپنی کا ارادہ ہے کہ وہ پروڈکشن کو تیز کرے خاص طور پر اس وقت جب معاشی حالات درست ہیں اور طلب بھرپور ہے۔

مزید پڑھیے: ٹیسلا، ایکس اے آئی اور اسپیس ایکس کا ممکنہ انضمام، کیا تینوں مل کر ٹیکنالوجی کی دنیا بدل دیں گے؟

ٹیسلا اس سال اپنی سرمایہ کاری کو دوگنا کرنے کی منصوبہ بندی کر رہا ہے جو کہ 20 ارب ڈالر سے زائد ہو سکتی ہے۔ اس سرمایہ کاری کا بڑا حصہ سیمی فیکٹری، سائبرکاب، آپٹمس روبوٹ، اور لِتھیم پیداوار پر مرکوز ہوگا۔

ٹیسلا سیمی کی خصوصیات

ٹیسلا سیمی ایک مکمل الیکٹرک، کلاس 8 ہیوی ڈیوٹی ٹرک ہے جو روایتی ڈیزل سیمی ٹریلرز کی جگہ لینے کے لیے ڈیزائن کیا گیا ہے۔ اس کی پہلی رونمائی سنہ 2017 میں ہوئی تھی اور کمپنی کا مقصد سنہ 2019 میں اس کی پروڈکشن شروع کرنا تھا۔ تاہم پیداوار کے اہداف میں کئی سال کی تاخیر ہوئی۔ آخرکار سنہ 2022 میں ٹیسلا نے پیپسی کو چند یونٹس کی ترسیل کی۔

سیمی 2 مختلف ماڈلز میں دستیاب

اسٹینڈرڈ رینج: 82,000 پاؤنڈز کے بوجھ کے ساتھ 325 میل کی رینج فراہم کرتا ہے۔

لانگ رینج: اسی بوجھ کے ساتھ 500 میل تک سفر کر سکتا ہے۔

دونوں ورژنز میں 3 موٹرز کا پاور ٹرین ہے جو 800 کلو واٹ تک طاقت فراہم کرتا ہے۔ ان میں ایک الیکٹرک پاور ٹیک آف بھی ہے جو 25 کلو واٹ تک طاقت فراہم کرتا ہے۔

First Semi off high volume line pic.twitter.com/fI1AdQrJFH

— Tesla Semi (@tesla_semi) April 29, 2026

بیٹریاں ایک ملین میل تک اپنی اصل حالت میں کام کرنے کے لیے ڈیزائن کی گئی ہیں۔ اسٹینڈرڈ رینج میں کلو واٹ آور 550 بیٹری کی صلاحیت ہے، جبکہ لانگ رینج میں کلو واٹ آور 875 بیٹری کی صلاحیت موجود ہے۔

چارجنگ کے بارے میں بات کریں تو اس کا 60 فیصد رینج صرف 30 منٹ میں مکمل کیا جا سکتا ہے۔ یہ میگا واٹ چارجنگ سسٹم (ایم سی ایس)3.2 کنیکٹر کے ذریعے 1.2 میگا واٹ تک چارج ہو سکتا ہے۔

وی خصوصیات

الیکٹرک ٹرک میں حال ہی میں فرنٹ اینڈ ڈیزائن کو ماڈل وائی کے مشابہ اپ ڈیٹ کیا گیا ہے۔ اس کے کیبن میں ڈرائیور کے لیے مرکزی سیٹ پوزیشن اور دو بڑی ٹچ اسکرینز ہیں۔ کیبن کے پیچھے دوسرا سیٹ بھی موجود ہے۔ اس گاڑی میں ایئر بیگ نہیں ہیں کیونکہ یہ امریکا کے مخصوص ضوابط کے مطابق ڈیزائن کی گئی ہے۔