بنگلادیش کے فاسٹ بولر ناہید رانا نے پاکستان سپر لیگ (پی ایس ایل) کے گیارہویں ایڈیشن کے فائنل سے قبل پشاور زلمی کو جوائن کر لیا ہے، جس سے ٹیم کے بولنگ اٹیک کو مزید تقویت ملی ہے۔
میڈیا رپورٹ کے مطابق بنگلادیش کرکٹ بورڈ نے ناہید رانا کو خصوصی اجازت دیتے ہوئے انہیں پی ایس ایل فائنل میں شرکت کی منظوری دی، جس کے بعد وہ فوری طور پر زلمی اسکواڈ کا حصہ بن گئے۔
Thank you Brother Tamim for permitting Nahid Rana to feature for Peshawar Zalmi in the #PSL11 final match InshaAllah. https://t.co/QxptnZFTYh
— Javed Afridi (@JAfridi10) April 29, 2026
پشاور زلمی کے مالک جاوید آفریدی نے اس موقع پر اپنے سوشل میڈیا پیغام میں بنگلادیشی کپتان تمیم اقبال کا شکریہ ادا کیا۔ انہوں نے کہا کہ ناہید رانا کو فائنل میں کھیلنے کی اجازت دینے پر وہ تمیم اقبال کے شکر گزار ہیں اور یہ زلمی فینز کے لیے خوشی کی خبر ہے۔
جاوید آفریدی نے اپنی ٹوئٹ میں یہ بھی کہا کہ ٹیم منیجمنٹ کی خواہش ہے کہ ون ڈے سیریز مکمل ہونے کے بعد کھلاڑی جلد از جلد ٹیم کو جوائن کریں تاکہ اہم میچز میں شرکت ممکن ہو سکے۔
یہ بھی پڑھیں:پی ایس ایل 11: حیدر آباد کنگز مین نے ملتان سلطانز کو شکست دے کر فائنل کی دوڑ سے باہر کردیا
واضح رہے کہ ناہید رانا نیوزی لینڈ کے خلاف ون ڈے سیریز کے باعث ٹیم سے دور تھے، تاہم اب وہ پی ایس ایل فائنل کے لیے دستیاب ہوں گے۔
پی ایس ایل 11 کا فائنل اتوار کو لاہور کے قذافی اسٹیڈیم میں کھیلا جائے گا، جبکہ اس سے قبل ایلیمنیٹر ٹو کا اہم میچ آج حیدرآباد کنگز مین اور اسلام آباد یونائیٹڈ کے درمیان کھیلا جائے گا۔
