وزیر مملکت و چیئرمین پاکستان ورچوئل ایسیٹس ریگولیٹری اتھارٹی (پیوارا) بلال بن ثاقب نے کہا ہے کہ وزیراعظم کے ویژن کے تحت ڈیجیٹل ایسٹس مارکیٹ کو معیشت کا اہم ستون بنانے کے لیے اقدامات جاری ہیں اور حکومت اس شعبے کو مضبوط بنانے کیلئے عملی پیشرفت کررہی ہے۔
لاہور میں بلاک چین اور ڈیجیٹل اثاثہ جات کے موضوع پر ایک اہم لیڈرشپ سمٹ منعقد ہوئی، جس میں حکومتی شخصیات، ماہرین اور سرمایہ کاروں نے شرکت کی۔ سمٹ میں ڈیجیٹل معیشت کے فروغ اور جدید ٹیکنالوجی کے استعمال پر تفصیلی تبادلہ خیال کیا گیا۔
وزیرکو معیشت کا اہم ستون بنانے کیلئے اقدامات جاری ہیں، اس موقع پر بلال بن ثاقب نے کہا کہ حکومت ڈیجیٹل شعبے کو مضبوط بنانے کیلئے عملی اقدامات کر رہی ہے۔
وزیر مملکت نے خطاب کرتے ہوئے کہا کہ نوجوانوں کو ڈیجیٹل مہارتوں سے آراستہ کرنا وقت کی اہم ضرورت ہے تاکہ وہ عالمی سطح پر مسابقت کے قابل بن سکیں۔
انہوں نے سرمایہ کاروں کو یقین دہانی کرائی کہ حکومت ہر ممکن تعاون فراہم کرے گی۔
انہوں نے مزید کہا کہ ڈیجیٹل ٹیکنالوجی کے فروغ سے نہ صرف روزگار کے مواقع بڑھیں گے بلکہ معاشی استحکام بھی حاصل کیا جا سکتا ہے۔
چیئرمین پیوارا نے اپنے خطاب میں کہا کہ بلاک چین ٹیکنالوجی مالیاتی اور دیگر شعبوں میں انقلاب برپا کرنے کی صلاحیت رکھتی ہے اور اس کے مؤثر استعمال سے شفافیت اور کارکردگی میں اضافہ ممکن ہے۔
سمٹ میں ڈیجیٹل اثاثہ جات کو مستقبل کی معیشت کا اہم ستون قرار دیا گیا جبکہ حکومت کی جانب سے ڈیجیٹل معیشت کے فروغ کیلئے مؤثر حکمت عملی پر عمل جاری رکھنے کے عزم کا اظہار کیا گیا۔
اس موقع پر یہ بھی بتایا گیا کہ ڈیجیٹل ایسٹس سیکٹر کو گرے مارکیٹ سے نکال کر دستاویزی معیشت میں شامل کرنے کا فیصلہ کیا گیا ہے، جبکہ پیوارا کے تحت لائسنسنگ اور قانونی فریم ورک کی تیاری پر کام جاری ہے۔
شرکاء نے اس بات پر زور دیا کہ سرمایہ کاری میں اضافے کیلئے مصنوعی ذہانت، روبوٹکس اور بلاک چین جیسی جدید ٹیکنالوجیز کو فروغ دینا ناگزیر ہے۔
وزیر مملکت نے اپنے اختتامی کلمات میں ڈیجیٹل اثاثہ جات کیلئے محفوظ اور قابل اعتماد مارکیٹ قائم کرنے کے عزم کا اعادہ کیا۔
