نائب وزیراعظم و وزیر خارجہ سینیٹر اسحاق ڈار کا اردن کے نائب وزیراعظم و وزیر خارجہ ایمن الصفدی سے ٹیلیفونک رابطہ ہوا ہے۔
ترجمان دفتر خارجہ کے مطابق گفتگو کے دوران اردن کے نائب وزیراعظم و وزیر خارجہ ایمن الصفدی نے خطے میں جاری کشیدگی کے خاتمے اور علاقائی استحکام کے لیے پاکستان کی مسلسل کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Deputy Prime Minister & Foreign Minister of Jordan, Ayman Safadi @AymanHSafadi.
DPM/FM Safadi coveyed Jordan’s deep appreciation of Pakistan’s constructive role and continued efforts… pic.twitter.com/vINe2qdIg3
— Ministry of Foreign Affairs – Pakistan (@ForeignOfficePk) May 3, 2026
نائب وزیراعظم و وزیر خارجہ اسحاق ڈار نے اس موقع پر پاکستان کے اس عزم کو دہرایا کہ وہ تمام فریقین کے درمیان تعمیری روابط کے فروغ اور تنازعات کے پرامن حل کے لیے مذاکرات اور سفارت کاری کے ذریعے خطے میں استحکام کی حمایت جاری رکھے گا۔
دونوں رہنماؤں نے پاکستان اور اردن کے درمیان مضبوط دوطرفہ تعلقات کا اعادہ کیا اور دوطرفہ و کثیرالجہتی فورمز پر مسلسل تعاون کی اہمیت پر زور دیا۔
اس کے ساتھ ہی دونوں نے آئندہ بھی قریبی رابطے میں رہنے پر اتفاق کیا۔
