بالی ووڈ اداکار رنبیر کپور اور عالیہ بھٹ ممبئی میں فلم ’دادی کی شادی‘ کی خصوصی اسکریننگ میں شرکت کے لیے پہنچے تو اس موقع پر فوٹوگرافروں کے ہجوم کے باعث صورتحال کچھ دیر کے لیے ناخوشگوار ہو گئی۔
رنبیر کپور اور عالیہ بھٹ جیسے ہی گاڑی سے باہر نکلے تو تصاویر لینے کے خواہشمند فوٹوگرافرز ان کے انتہائی قریب آ گئے جس پر رنبیر کپور نے برہمی کا اظہار کیا اور فوٹوگرافروں سے مناسب فاصلہ رکھنے کی درخواست کی۔
View this post on Instagram
سوشل میڈیا پر وائرل ہونے والی ویڈیوز میں دیکھا جا سکتا ہے کہ رنبیر کپور فوٹوگرافروں کو مخاطب کرتے ہوئے کہتے ہیں کہ وہ مناسب جگہ پر آ کر تصاویر لیں۔ اس دوران وہ یہ بھی کہتے ہیں ’آپ لوگوں کو تصویر چاہیے؟ چلو، مناسب طریقے سے لیتے ہیں‘۔ بعد ازاں رنبیر اور عالیہ نے کچھ فاصلے پر جا کر پُرسکون انداز میں تصاویر کے لیے پوز بھی دیا۔
واقعے کے بعد سوشل میڈیا پر صارفین کی بڑی تعداد نے رنبیر کپور کی حمایت کی اور کہا کہ فوٹوگرافروں کو مشہور شخصیات کی پرائیویسی کا احترام کرتے ہوئے مناسب فاصلہ برقرار رکھنا چاہیے۔
ایک صارف نے لکھا کہ محض کیمرہ یا موبائل ہونے کا مطلب یہ نہیں کہ کسی کی اجازت کے بغیر قریب جا کر تصاویر لی جائیں، بلکہ پیشگی اجازت لینا ضروری ہے۔
