گلگت بلتستان الیکشن: پیپلز پارٹی نے ٹکٹ ہولڈرز کا اعلان کردیا، ن لیگ کی لسٹ بھی فائنل

پاکستان پیپلز پارٹی پارلیمنٹیرینز نے گلگت بلتستان کے عام انتخابات میں حصہ لینے کے لیے ٹکٹ ہولڈرز کے ناموں کا اعلان کردیا۔

گلگت بلتستان اسمبلی کا ایوان 33 ارکان پر مشتمل ہیں، جس میں 24 نشستوں پر براہ راست الیکشن ہوتے ہیں۔ اس کے علاوہ خواتین کی 6 مخصوص نشستیں ہیں، جبکہ 3 نشستیں ٹیکنوکریٹس کے لیے مختص ہیں۔

یوں 33 کے ایوان میں حکومت سازی کے لیے 17 ارکان کی حمایت درکار ہوتی ہے۔

پاکستان پیپلز پارٹی پارلیمنٹیرینز نے جی بی ایل اے ایک گلگت سے امجد حسین کو ٹکٹ جاری جاری کیا ہے، جبکہ ایل اے 2 گلگت سے جمیل احمد اور ایل اے 3 گلگت سے آفتاب حیدر کو امیدوار نامزد کیا گیا ہے۔

اسی طرح ایل اے 4 نگر ایک سے محمد علی اختر، ایل اے 5 نگر 2 سے ذوالفقار علی مراد، ایل اے 6 ہنزہ سے کرنل (ر) امتیاز الحق کو ٹکٹ جاری کیے گئے ہیں۔

پیپلز پارٹی نے ایل اے 7 اسکردو ایک سے توقیر مہدی شاہ، ایل اے 8 اسکردو 2 سے سید محمد علی شاہ، ایل اے 9 اسکردو 3 سے فدا محمد ناشاد، اور ایل اے 10 اسکردو 4 سے راجا ناصر علی خان کو امیدوار نامزد کیا ہے۔

اسی طرح ایل اے 11 کھرمنگ سے اقبال حسن، ایل اے 12 شگر سے عمران ندیم، ایل اے 13 استور ایک سے میجر (ر) فہد حنیف خان کو امیدوار نامزد کیا گیا ہے۔

ایل اے 15 دیامر ایک سے بشیر احمد خان، ایل اے 16 دیامر 2 سے عطااللہ شاہ، ایل اے 17 دیامر 3 سے محمد نسیم کو ٹکٹ جاری کیا گیا ہے۔

پیپلز پارٹی نے ایل اے 19 غذر ایک سے پیر سید جلال علی شاہ، ایل اے 20 غذر 2 سے نظیر احمد اور ایل اے 21 غذر 3 سے محمد ایوب شاہ کو امیدوار نامزد کیا ہے۔

پیپلز پارٹی نے ایل اے 22 گانچھے ایک سے ڈاکٹر عاشق حسین، اور ایل اے 24 گانچھے 3 سے انجینیئر محمد اسماعیل کو ٹکٹ جاری کیے ہیں۔

دوسری جانب پاکستان مسلم لیگ ن بھی آئندہ 24 سے 72 گھنٹوں میں بھی اپنے امیدواروں کا اعلان کردے گی۔

ذرائع کے مطابق صدر پاکستان مسلم لیگ ن نواز شریف نے امیدواروں کی لسٹ فائنل کرکے وزیر امور کشمیر و گلگت بلتستان امیر مقام کے حوالے کردی ہے، اور اب وہ گلگت بلتستان کی لیگی قیادت کے ہمراہ پریس کانفرنس میں امیدواروں کے ناموں کا اعلان کریں گے۔

تجزیہ کاروں کا کہنا ہے کہ گلگت بلتستان کے عام انتخابات میں کوئی بھی جماعت سادہ اکثریت حاصل کرنے کی پوزیشن میں نہیں، الیکشن کے بعد مخلوط حکومت بننے کا امکان ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں