وزيراعظم شہباز شریف اور قطر کے وزیراعظم شیخ محمد بن عبدالرحمٰن بن جاسم الثانی کے درمیان ٹیلیفونک رابطہ ہوا ہے جس میں خطے کی مجموعی صورتحال اور باہمی دلچسپی کے امور پر تفصیلی مشاورت کی گئی۔
یہ بھی پڑھیں: وزیراعظم شہباز شریف کی قطر کے قومی دن کی تقریب میں شرکت، کیک کاٹا
گفتگو کے دوران دونوں رہنماؤں نے خطے میں پائیدار امن و استحکام کے لیے جاری سفارتی کوششوں کو مزید موثر بنانے کے عزم کا اعادہ کیا۔
وزيراعظم شہباز شریف نے مشرقِ وسطیٰ میں کشیدگی کم کرنے اور امن کے فروغ کے لیے قطر کے کلیدی کردار کی تعریف کی۔ انہوں نے کہا کہ پاکستان کے عوام امیرِ قطر کے آئندہ دورہ پاکستان کے بے صبری سے منتظر ہیں، اور یہ دورہ دونوں برادر ممالک کے تاریخی تعلقات کو نئی بلندیوں تک لے جانے میں سنگِ میل ثابت ہوگا۔
یہ بھی پڑھیں: وزیر اعظم شہباز شریف کا قطر میں مصروف دن، ہم منصب سے ملاقات ہوگی
قطری وزیراعظم شیخ محمد بن عبدالرحمٰن الثانی نے اس موقع پر کہا کہ قطر خطے کی سلامتی اور استحکام کے لیے اپنی بھرپور سفارتی کوششیں جاری رکھے گا۔
دونوں رہنماؤں نے دو طرفہ تعلقات کی مضبوطی، مذاکرات کی اہمیت اور علاقائی چیلنجز سے نمٹنے کے لیے مستقل رابطے اور قریبی مشاورت جاری رکھنے پر بھی اتفاق کیا۔
