ڈھاکا میں وفاقی وزیر داخلہ و نارکوٹکس کنٹرول محسن نقوی اور بنگلہ دیش کے وزیر داخلہ صلاح الدین احمد کے درمیان اہم ملاقات ہوئی جس میں دونوں ممالک نے منشیات کی روک تھام کے لیے تاریخی معاہدے پر دستخط کیے۔
مزید پڑھیں:وفاقی وزیر داخلہ محسن نقوی کی ڈھاکا میں سابق وزیراعظم خالدہ ضیا کی قبر پر حاضری
معاہدے کے تحت پاکستان اور بنگلہ دیش منشیات کی اسمگلنگ، غیر قانونی نقل و حمل اور سپلائی چین کے خاتمے کے لیے قریبی تعاون کریں گے۔ دونوں ممالک نے سیکریٹری سطح پر مشترکہ ورکنگ گروپ بنانے پر بھی اتفاق کیا۔
ڈھاکا میں وفاقی وزیر داخلہ و نارکوٹکس کنٹرول محسن نقوی اور بنگلہ دیش کے وزیر داخلہ صلاح الدین احمد کے درمیان اہم ملاقات ہوئی جس میں دونوں ممالک نے منشیات کی روک تھام کے لیے تاریخی معاہدے پر دستخط کیے۔@Hussainch242 @iamabidmalik @awaisReporter pic.twitter.com/ySlDIGUy2W
— Media Talk (@mediatalk922) May 9, 2026
ملاقات میں فیصلہ کیا گیا کہ متعلقہ ادارے منشیات فروش نیٹ ورکس کے بارے میں بروقت معلومات کا تبادلہ کریں گے جبکہ اہلکاروں کی تربیت اور جدید ٹیکنالوجی کے استعمال میں بھی تعاون بڑھایا جائے گا۔
محسن نقوی نے بنگلہ دیش کو سیف سٹی منصوبے میں مکمل تعاون کی پیشکش کرتے ہوئے کہا کہ پاکستان ہر ممکن تکنیکی مدد فراہم کرے گا۔ دونوں وزرائے داخلہ نے انسداد دہشتگردی، انسانی اسمگلنگ، سائبر کرائم اور مالیاتی فراڈ کے خلاف بھی مشترکہ اقدامات پر اتفاق کیا۔
مزید پڑھیں:محسن نقوی ایشیا کپ پر اہم مشاورت کے لیے ڈھاکا پہنچ گئے
محسن نقوی نے بنگلہ دیشی ہم منصب کو پاکستان کے دورے کی دعوت دی، جبکہ بنگلہ دیشی وزیر داخلہ نے تعاون پر شکریہ ادا کیا۔
