ڈھاکا میں وفاقی وزیر داخلہ و نارکوٹکس کنٹرول محسن نقوی سے بنگلہ دیش کی وزیر مملکت برائے خارجہ امور شمع عبید اسلام نے ملاقات کی، جس میں دوطرفہ تعلقات، خطے کی مجموعی صورتحال اور پاکستان کے مصالحتی کردار پر تفصیلی تبادلہ خیال کیا گیا۔
مزید پڑھیں:وفاقی وزیر داخلہ محسن نقوی کی ڈھاکا میں سابق وزیراعظم خالدہ ضیا کی قبر پر حاضری
ملاقات کے دوران بنگلہ دیش کی وزیر مملکت برائے خارجہ نے ایران اور امریکا کے درمیان تنازع کے حل کے لیے پاکستان کے مثبت اور مصالحتی کردار کو سراہا۔ دونوں رہنماؤں نے تجارت، کاروبار اور ثقافت کے شعبوں میں تعاون کو مزید فروغ دینے پر اتفاق کیا۔
ڈھاکہ۔ وفاقی وزیرداخلہ و نارکوٹکس کنٹرول محسن نقوی سے بنگلہ دیش کی وزیر مملکت برائے خارجہ امور شمع عبید اسلام کی ملاقات
دوطرفہ تعلقات۔خطے کی صورتحال اور پاکستان کے مصالحتی کردار پر تفصیلی تبادلہ خیال @KulAalam @iamabidmalik @Hussainch242 pic.twitter.com/sp4bZV6IDl— Media Talk (@mediatalk922) May 10, 2026
اس موقع پر تجارتی اور ثقافتی تعلقات کو مضبوط بنانے کے لیے دونوں ممالک کے وفود کے زیادہ سے زیادہ تبادلوں کی ضرورت پر بھی زور دیا گیا، جبکہ بنگلہ دیش کے وزیر خارجہ کے متوقع دورۂ پاکستان پر بھی گفتگو ہوئی۔
وفاقی وزیر داخلہ محسن نقوی نے کہا کہ پاکستان میں سرمایہ کاری کے وسیع مواقع موجود ہیں اور حکومت غیر ملکی سرمایہ کاروں کو ہر ممکن سہولت فراہم کر رہی ہے۔
مزید پڑھیں:محسن نقوی ایشیا کپ پر اہم مشاورت کے لیے ڈھاکا پہنچ گئے
ملاقات میں بنگلہ دیشی وزارت خارجہ کے سیکرٹری محمد نذر الاسلام، ڈائریکٹر جنرل جنوبی ایشیا عشرت جہاں، ڈائریکٹر شمیمہ یاسمین اور پاکستان کے ہائی کمشنر عمران حیدر بھی موجود تھے۔
