امریکی صدر ڈونلڈ ٹرمپ سرکاری دورے پر چین کے دارالحکومت بیجنگ پہنچ گئے ہیں۔
Wheels down in Beijing!
President Donald J. Trump lands for a landmark summit with China, greeted by Vice President Han Zheng during a welcome ceremony. pic.twitter.com/4q2mATZrn4
— The White House (@WhiteHouse) May 13, 2026
امریکی میڈیا رپورٹس کے مطابق بیجنگ آمد پر چینی نائب صدر ہان ژینگ نے صدر ٹرمپ کا استقبال کیا۔ اس موقع پر چین میں تعینات امریکی سفیر، امریکا میں چین کے سفیر اور چین کے ایگزیکٹو نائب وزیر خارجہ ما ژاؤشو بھی موجود تھے۔
صدر ٹرمپ کے استقبال کے لیے قریباً 300 چینی نوجوان بھی موجود تھے جنہوں نے دونوں ممالک کے پرچم اٹھا رکھے تھے۔
دورے کے دوران صدر ٹرمپ کی ملاقات چینی صدر شی جن پنگ سے ہوگی، جس میں اہم عالمی اور دوطرفہ امور پر بات چیت کی جائے گی۔
امریکی صدر کے ہمراہ ان کے اہل خانہ اور قریبی افراد بھی موجود ہیں، جن میں ان کے بیٹے ایرک ٹرمپ، بہو لارا ٹرمپ اور ایلون مسک شامل ہیں۔
بیجنگ روانگی سے قبل میڈیا سے گفتگو میں صدر ٹرمپ نے کہاکہ وہ چینی صدر کے ساتھ ایران اور خطے کی صورتحال پر تفصیلی بات کریں گے۔
ان کا کہنا تھا کہ وہ چین پر زور دیں گے کہ امریکی منڈیوں کو مزید کھولا جائے۔
یاد رہے کہ ڈونلڈ ٹرمپ اس سے قبل اپنے پہلے دور صدارت میں 2017 میں بھی چین کا دورہ کر چکے ہیں۔
