وزیراعظم پاکستان شہباز شریف کی سفارش پر کوہاٹ کے قریب اپنی جان قربان کرکے مقامی آبادی کو بڑے جانی نقصان سے بچانے والے بہادر شہری لیاقت علی کو صدر پاکستان نے ستارہ شجاعت سے نواز دیا۔
لیاقت علی شہید کی والدہ نے اپنے بیٹے کی عظیم قربانی اور بہادری کے اعتراف میں ستارۂ شجاعت، صدرِ پاکستان آصف علی زرداری سے وصول کیا۔ pic.twitter.com/nIUUXsgXV9
— WE News (@WENewsPk) May 13, 2026
وزیراعظم نے اپنے بیان میں کہاکہ لیاقت علی نے جرات اور بہادری کی ایسی مثال قائم کی ہے جو ہمیشہ یاد رکھی جائے گی۔
انہوں نے کہاکہ دہشتگردی کے خلاف جنگ میں سیکیورٹی فورسز اور عوام نے بے مثال قربانیاں دی ہیں۔
وزیرِ اعظم کے مطابق پاکستانی قوم اپنے شہدا کی قربانیوں کو کبھی فراموش نہیں کر سکتی۔
انہوں نے کہاکہ ملک کا ہر شہری دہشتگردوں کے ناپاک عزائم کے خلاف سیسہ پلائی دیوار کی مانند کھڑا ہے۔
انہوں نے مزید کہاکہ شہری آبادیوں اور معصوم لوگوں کو نشانہ بنانے والے بزدل دہشت گرد قوم کے حوصلے پست نہیں کر سکتے۔
وزیراعظم نے کہاکہ وہ خود اور پوری قوم شہید لیاقت علی اور ان کے اہل خانہ کو خراجِ تحسین پیش کرتی ہے۔
