لدھیانہ کے2 بھائیوں نے اپنی بہن کے لیے محبت کی ایک ایسی مثال قائم کر دی ہے جس نے سوشل میڈیا صارفین کی آنکھیں نم کردیں۔
ان بھائیوں نے اپنی بہن کو سرپرائز دیتے ہوئے 50 لاکھ روپے مالیت کا ایک نیا اور خوبصورت گھر تحفے میں دیا، جس کی ویڈیو انٹرنیٹ پر تیزی سے وائرل ہورہی ہے۔
یہ بھی پڑھیں:ممبئی کے نوجوان کا والدین کو نئے گھر کا تحفہ، جذباتی لمحات سوشل میڈیا پر وائرل
وائرل ویڈیو میں دیکھا جا سکتا ہے کہ بھائی اپنی بہن کی آنکھوں پر پٹی باندھ کر اسے نئے گھر کے سامنے لاتے ہیں۔ جیسے ہی پٹی کھولی جاتی ہے اور بہن کو معلوم ہوتا ہے کہ یہ گھر اس کا ہے، وہ فرطِ جذبات سے اپنے بھائیوں کے گلے لگ کر رونے لگتی ہے۔
View this post on Instagram
گھر کی چابیاں دینے اور بہن کی خوشی کا یہ منظر اتنا دلکش ہے کہ اسے دیکھنے والے لاکھوں صارفین بھائیوں کے اس جذبے کی تعریف کررہے ہیں۔
یہ بھی پڑھیں: بیٹے نے ماں کے لیے ایک لاکھ روپے کا تحفہ خریدا، قبول کروانے میں آدھا گھنٹہ لگ گیا
سوشل میڈیا پر اس ویڈیو کو بے حد پسند کیا جا رہا ہے اور صارفین اسے بہن بھائیوں کے لازوال رشتے کی بہترین عکاسی قرار دے رہے ہیں۔
لوگوں کا کہنا ہے کہ آج کے دور میں جہاں مالی مفادات رشتوں پر حاوی ہورہے ہیں، وہاں ان بھائیوں نے اپنی بہن کے مستقبل کو محفوظ بنا کر ایک قابلِ تقلید مثال پیش کی ہے۔
