سکھر میں سائبر کرائم سرکل نے ایک فلم پروڈکشن آفس سے وابستہ شخص کو ایک خاتون کو ان کی قابل اعتراض تصاویر اور ویڈیوز کے ذریعے بلیک مییل کرنے پر گرفتار کرلیا۔
ترجمان ایف آئی کے مطابق مختیار نامی شخص نے اپنے پروڈکشن آفس کے چینجنگ روم (کپڑے تبدیل کرنے والا کمرہ) میں خفیہ طور پر ایک کیمرا نصب کیا ہوا تھا جہاں پر کم از کم ایک خاتون کی کپڑے تبدیل کرتے ویڈیو ریکارڈ کرنے کی شکایت سامنے آئی۔ ملزم اس ویڈیو کے ذریعے خاتون کو 6 ماہ سے بلیک میل کر رہا تھا جس دوران وہ بھاری رقم ادر کرنے اور ویڈیو کالز پر بات کرنے کا مطالبہ بھی کرتا تھا۔
ملزم نے قابل اعتراض ویڈیوز واٹس ایپ اور فیس بک کے ذریعے شیئر بھی کیں۔ سائبر کرائم کی ٹیم نے ملزم کے موبائل سے قابل اعتراض مواد اور اس بلیک میلنگ میں استعمال ہونے والا واٹس ایپ اکاؤنٹ بھی برآمد کر لیا۔ لاڑکانہ سے گرفتار کیئے گئے ملزم کے خلاف پیکا ایکٹ کے تحت مقدمہ درج کر لیا گیا ہے۔
