کولمبیا کی معروف گلوکارہ شکیرا نے اسپین میں ٹیکس کے حوالے سے دائر مقدمہ جیت لیا ہے۔ اسپین کی ہائیکورٹ نے محکمہ خزانہ کو حکم دیا ہے کہ گلوکارہ کو لاکھوں یورو کی رقم واپس کی جائے۔ اس رقم میں جرمانے اور ٹیکس کی ادائیگیوں سمیت سود بھی شامل ہے۔
یہ بھی پڑھیں: فیفا ورلڈ کپ فائنل کی تاریخ کا پہلا ’ہاف ٹائم شو‘ شکیرا، میڈونا اور بی ٹی ایس میلہ لوٹنے کو تیار
عدالتی دستاویزات کے مطابق یہ رقم 6 کروڑ یورو سے زائد بنتی ہے۔ یہ تنازع 2011 کے ٹیکس سال سے متعلق تھا جس پر عدالت نے اپنا فیصلہ سنایا۔ عدالت کا کہنا ہے کہ حکام یہ ثابت کرنے میں ناکام رہے کہ شکیرا نے اس سال 183 دن اسپین میں گزارے تھے۔
قانون کے مطابق کسی بھی فرد کو انکم ٹیکس دینے کے لیے اسپین میں 183 دن رہنا ضروری ہے۔ عدالت نے پایا کہ شکیرا نے اس سال صرف 163 دن وہاں قیام کیا تھا۔ اس فیصلے کے بعد ٹیکس حکام کی جانب سے عائد کردہ تمام جرمانے بھی ختم کردیے گئے ہیں۔
یہ بھی پڑھیں: 16 سال بعد واپسی، شکیرا نے 2026 فیفا ورلڈ کپ کے لیے گانا جاری کردیا
یہ مقدمہ اس فراڈ کیس سے الگ ہے جو شکیرا نے 2023 میں طے کیا تھا۔ واضح رہے کہ گلوکارہ ان دنوں اپنے ورلڈ ٹور کی تیاریوں میں مصروف ہیں۔ وہ ستمبر میں میڈرڈ میں اپنے کنسرٹس کے سلسلے کا آغاز کریں گی۔
