بنگلہ دیشی سرحدی فورس نے کہا ہے کہ بھارتی بارڈر سیکیورٹی فورس کی جانب سے سلہٹ کے سرحدی علاقے سونار ہاٹ کے قریب فائرنگ کے بعد بنگلہ دیشی اہلکاروں نے جوابی کارروائی کی۔
مزید پڑھیں:بنگلہ دیش اور امریکا کے درمیان دفاعی تعاون بڑھانے پر پیشرفت، خطے میں نئی سفارتی بحث
بارڈر گارڈ بنگلہ دیش کے پیر کو جاری بیان کے مطابق واقعہ گوا ئنگھاٹ کے علاقے میں 48ویں بٹالین کی حدود میں پیش آیا۔ فورس کا کہنا ہے کہ اہلکاروں نے پیشہ ورانہ اور مضبوط ردعمل دیتے ہوئے صورتحال کو جلد قابو میں کر لیا۔
بیان میں کہا گیا ہے کہ واقعے میں دونوں جانب کوئی جانی نقصان نہیں ہوا، تاہم سرحدی علاقوں میں گشت اور نگرانی مزید سخت کر دی گئی ہے تاکہ کسی بھی نئی کشیدگی کو روکا جا سکے۔
بارڈر گارڈ بنگلہ دیش نے کہا کہ سرحد پر کسی بھی اشتعال انگیز یا ناپسندیدہ کارروائی سے نمٹنے کے لیے فورس مکمل طور پر چوکس ہے اور ملکی خودمختاری و سرحدی سلامتی کے تحفظ کے لیے پُرعزم ہے۔
مزید پڑھیں:سلہٹ ٹیسٹ: بنگلہ دیش نے پاکستان کو جیت کے لیے 437 رنز کا ہدف دے دیا
بیان میں سرحدی علاقوں کے رہائشیوں اور مقامی نمائندوں سے بھی اپیل کی گئی ہے کہ وہ غیر قانونی آمد و رفت اور سرحد کے قریب کسی بھی غیر مجاز سرگرمی سے گریز کریں۔
