پاکستان نے بھارتی ایئرلائنز کے لیے پاکستانی فضائی حدود کی پابندی میں ایک ماہ کی توسیع کردی ہے۔
پاکستان ایئرپورٹس اتھارٹی (پی اے اے) کی جانب سے جاری کردہ تازہ ترین نوٹس کے مطابق بھارتی طیاروں کے لیے پاکستانی فضائی حدود پر عائد پابندی میں مزید ایک ماہ کی توسیع کردی گئی ہے۔
یہ بھی پڑھیں: پاکستان نے بھارتی طیاروں کے لیے اپنی فضائی حدود پر عائد پابندی میں مزید توسیع کردی
پی اے اے کے جاری کردہ باقاعدہ نوٹس کے تحت اب یہ پابندی 24 جون 2026 کی صبح تک برقرار رہے گی، جبکہ اس سے قبل یہ مدت 24 مئی کو ختم ہورہی تھی۔
اس نئی پابندی کا اطلاق فوری طور پر کر دیا گیا ہے جس کے بعد کراچی اور لاہور کے دونوں فلائٹ انفارمیشن ریجنز میں کسی بھی بھارتی سویلین، تجارتی یا فوجی طیارے کو داخلے کی اجازت نہیں ہوگی۔
یہ بھی پڑھیں: پاکستانی فضائی حدود کی بندش، بھارتی ایئرلائنز کو یومیہ کروڑوں کا نقصان
واضح رہے کہ دونوں ممالک نے گزشتہ سال اپریل 2025 میں مقبوضہ کشمیر کے علاقے پہلگام میں ہونے والے ایک حملے اور اس کے بعد بڑھنے والی شدید فوجی کشیدگی کے باعث ایک دوسرے کے لیے اپنی فضائی حدود بند کردی تھیں۔
پاکستان نے نئی دہلی کی جانب سے سندھ طاس معاہدے کی معطلی اور جارحانہ اقدامات کے جواب میں یہ سخت فیصلہ کیا تھا، جس کے باعث بھارتی فضائی کمپنیوں کو اب تک اربوں روپے کے بھاری مالی نقصان کا سامنا کرنا پڑا ہے۔
