آزاد کشمیر انتخابات 2026 کی تیاریوں کے سلسلے میں مسلم لیگ (ن) کی سیاسی کمیٹی کا اہم اجلاس کشمیر کونسل اسلام آباد میں جاری ہے۔ اجلاس کی سربراہی وفاقی وزیر امور کشمیر امیر مقام اور وزیراعظم کے مشیر برائے سیاسی امور رانا ثنا اللہ کر رہے ہیں۔
یہ بھی پڑھیں:آزاد کشمیر الیکشن: مہاجرین کی 12 نشستوں سمیت 45 انتخابی حلقوں کی حتمی فہرست جاری
اجلاس میں صدر مسلم لیگ (ن) آزاد کشمیر شاہ غلام قادر، سابق وزیراعظم آزاد کشمیر راجہ فاروق حیدر خان سمیت دیگر سینئر رہنما شریک ہیں۔ پارٹی کی انتخابی حکمت عملی، تنظیمی امور اور آئندہ سیاسی سرگرمیوں پر مشاورت کی جا رہی ہے۔
اجلاس میں مشتاق منہاس، چوہدری طارق فاروق، افتخار گیلانی، نجیب نقی، چوہدری محمد سعید، سردار طارق اور دیگر رہنماؤں نے بھی شرکت کی۔ ذرائع کے مطابق اجلاس میں آزاد کشمیر انتخابات کے لیے پارٹی امیدواروں، انتخابی مہم اور سیاسی رابطوں سے متعلق مختلف امور پر غور کیا جا رہا ہے۔
