سندھ حکومت نے عیدالاضحیٰ کی تعطیلات میں تبدیلی کرتے ہوئے ایک چھٹی کم کر دی ہے اور اس حوالے سے نیا نوٹی فکیشن جاری کر دیا گیا ہے۔
یہ بھی پڑھیں:عیدالاضحیٰ: پنجاب میں بھی 4 روزہ عام تعطیلات کا اعلان
نئے اعلامیے کے مطابق صوبے میں اب عیدالاضحیٰ کی سرکاری تعطیلات 26 مئی سے 28 مئی تک ہوں گی، یعنی 9 سے 11 ذی الحج 1447 ہجری تک عام تعطیل رہے گی۔
اس سے قبل سندھ حکومت نے 22 مئی کو جاری کردہ نوٹی فکیشن میں 26 مئی سے 29 مئی تک ۴ روزہ تعطیلات کا اعلان کیا تھا، تاہم اب نظرثانی کے بعد چھٹیوں کی تعداد کم کر کے ۳ دن کر دی گئی ہے۔
حکومتی فیصلے کے بعد سرکاری ملازمین اور شہریوں میں نئی تعطیلات کے شیڈول پر بحث شروع ہو گئی ہے، جبکہ کئی افراد سوشل میڈیا پر ’ایک چھٹی کم ہونے‘ پر دلچسپ تبصرے بھی کر رہے ہیں۔
