سوات ایکسپریس وے پر ایک المناک ٹریفک حادثے میں 16 افراد جاں بحق جبکہ 6 زخمی ہوگئے۔
حادثہ اس وقت پیش آیا جب راولپنڈی سے دیر جانے والی ایک وین سڑک کے کنارے کھڑی بس سے پیچھے سے جا ٹکرائی۔
یہ بھی پڑھیں : ہری پور: باراتیوں سے بھری بس حادثہ کا شکار، کمسن بچی سمیت 5 خواتین جاں بحق
موٹروے پولیس کے مطابق حادثے کی اطلاع ملتے ہی اہلکار فوری طور پر موقع پر پہنچ گئے اور امدادی کارروائیاں شروع کر دیں۔
حادثے میں ہلاک شدگان سمیت تمام زخمیوں کو فوری طور پر مردان میڈیکل کمپلیکس منتقل کر دیا گیا۔
ابتدائی تحقیقات کے مطابق حادثہ وین ڈرائیور کی غفلت اور لاپرواہی کے باعث پیش آیا، متاثرہ بس کراچی سے بونیر جا رہی تھی کہ راستے میں حادثے کا شکار ہوگئی۔
مزید پڑھیں: اسلام آباد سے راولپنڈی روٹ پر حادثہ، میٹرو بس میں خوفناک آگ بھڑک اٹھی
واقعے کے بعد ڈی آئی جی موٹروے بھی مردان میڈیکل کمپلیکس پہنچ گئے جہاں انہوں نے زخمیوں کی عیادت اور امدادی سرگرمیوں کا جائزہ لیا۔
حادثے کے باعث علاقے میں فضا سوگوار ہوگئی جبکہ پولیس نے مزید تحقیقات شروع کر دی ہیں۔
