عالمی چیمپئن ارجنٹینا نے انجریز کے خدشات کے باوجود فیفا ورلڈ کپ 2026 کے لیے اپنے 26 رکنی اسکواڈ کا اعلان کر دیا ہے، جس میں کپتان لیونل میسی بھی شامل ہیں۔
ارجنٹائن فٹبال ایسوسی ایشن کی جانب سے جاری کیے گئے اسکواڈ میں 39 سال کے قریب پہنچنے والے میسی سب سے نمایاں نام ہیں۔
وہ اپنے کیریئر کا چھٹا ورلڈ کپ کھیلیں گے، اس سے قبل وہ 2006، 2010، 2014، 2018 اور 2022 کے عالمی کپ میں ارجنٹینا کی نمائندگی کر چکے ہیں۔
یہ بھی پڑھیں: ارجنٹائن کے عالمی کپ فاتح لیونل میسی کے 900 گول، فٹ بال کی نئی تاریخ رقم
اسکواڈ میں شامل 17 کھلاڑی وہ ہیں جو 4 سال قبل قطر میں فرانس کو شکست دے کر عالمی چیمپئن بننے والی ٹیم کا حصہ تھے۔
ورلڈ کپ سے قبل ارجنٹینا کو کئی اہم کھلاڑیوں کی انجریز کا سامنا ہے، لیونل میسی بائیں ہیم اسٹرنگ میں کھچاؤ اور تھکن کے باعث انٹر میامی کے گزشتہ میچ کو مکمل نہیں کر سکے تھے۔
کلب کے مطابق ان کی واپسی کا انحصار ان کی جسمانی بحالی پر ہوگا۔
Lionel Messi has joined up with the Argentina national football team ahead of the World Cup but fitness concerns still remain ⚠️
Manager Lionel Scaloni is hoping to have Messi fully ready before the tournament kicks off ⏳ pic.twitter.com/WizlRJqBV7
— OneFootball (@OneFootball) May 27, 2026
اسی طرح گول کیپر ایمیلیانو مارٹینیز بھی اسکواڈ میں شامل ہیں، حالانکہ گزشتہ ہفتے یوروپا لیگ فائنل میں ان کے دائیں ہاتھ کی انگلی فریکچر ہو گئی تھی۔
کوچ لیونل اسکیلونی نے دفاعی کھلاڑی کرسٹیان رومیرو کو بھی ٹیم میں شامل کیا ہے، جو گھٹنے کی انجری سے صحت یاب ہو رہے ہیں۔
اس کے علاوہ نہویل مولینا اور گونزالو مونتیئل بھی اسکواڈ کا حصہ ہیں، حالانکہ دونوں پٹھوں کی انجریز کا شکار رہے ہیں۔
مزید پڑھیں: میسی نے ایک بار پھر سب کو پیچھے چھوڑ دیا، سالانہ 25 ملین ڈالر تنخواہ کا ریکارڈ قائم
1978، 1986 اور 2022 میں عالمی چیمپئن رہنے والا ارجنٹینا اپنے ورلڈ کپ مہم کا آغاز 16 جون کو الجزائر کے خلاف کرے گا۔ گروپ جے میں آسٹریا اور اردن بھی شامل ہیں۔
ارجنٹینا کی ٹیم ہفتے کے روز کنساس سٹی روانہ ہوگی، جہاں وہ ورلڈ کپ سے قبل ہونڈوراس اور آئس لینڈ کے خلاف وارم اپ میچز کھیلے گی۔
ارجنٹینا اسکواڈ
گول کیپرز: ایمیلیانو مارٹینیز، جیرونیمو رولی، خوان موسو۔
ڈیفنڈرز: گونزالو مونتیئل، نہویل مولینا، لساندرو مارٹینیز، نکولس اوٹامینڈی، لیونارڈو بالیرڈی، کرسٹیان رومیرو، نکولس ٹاگلیافیکو، فاکونڈو میڈینا۔
مڈفیلڈرز: جیووانی لو سیلسو، لیاندرو پریڈیس، روڈریگو ڈی پال، ایکسی کوئل پالاسیوس، اینزو فرنانڈیز، الیکسس میک ایلسٹر، ویلنٹن بارکو۔
فارورڈز: لیونل میسی، نکولس گونزالیز، جولیانو سیمیونے، لاوتارو مارٹینیز، خوسے مینوئل لوپیز، جولیان آلواریز، تھیاغو المادا اور نیکو پاز۔
