عالمی یومِ ماحولیات کے موقع پر اپنے پیغام میں نائب وزیراعظم و وزیر خارجہ اسحاق ڈار نے کہا ہے کہ پاکستان عالمی برادری کے ساتھ مل کر موسمیاتی بحران سے نمٹنے اور ماحول کے تحفظ کے لیے مشترکہ اقدامات کے عزم کا اعادہ کرتا ہے۔
مزید پڑھیں:ماحولیات کے عالمی دن پر مریم نواز کا پلاسٹک فری پنجاب اور شجرکاری کے عزم کا اعادہ
انہوں نے کہا کہ پاکستان موسمیاتی تبدیلیوں سے سب سے زیادہ متاثر ہونے والے ممالک میں شامل ہے اور سیلاب، گلیشیئرز کے تیزی سے پگھلنے، خشک سالی، شدید گرمی اور آبی دباؤ جیسے چیلنجز کا سامنا کر رہا ہے، تاہم ملک ان مشکلات کے باوجود ثابت قدمی کا مظاہرہ کر رہا ہے۔
اسحاق ڈار نے کہا کہ موسمیاتی تبدیلی، حیاتیاتی تنوع کے نقصان اور ماحولیاتی آلودگی جیسے مسائل سے نمٹنے کے لیے بین الاقوامی تعاون کو مزید مضبوط بنانا ضروری ہے۔
مزید پڑھیں:اسلام آباد: پاکستان ماحولیاتی تحفظ ایجنسی کے زیراہتمام راول جھیل میں صفائی مہم
انہوں نے بتایا کہ حکومت پاکستان ماحولیاتی تحفظ کو اپنی پالیسی ترجیحات کا اہم حصہ بنا رہی ہے اور صاف، صحت مند اور پائیدار ماحول کو ہر شہری کا بنیادی حق تسلیم کیا جا چکا ہے۔
انہوں نے کہا کہ پاکستان موسمیاتی اثرات سے محفوظ رہائش، صاف توانائی کے فروغ اور ماحول دوست تعمیراتی طریقوں کے فروغ کے لیے اقدامات کر رہا ہے۔
