محکمہ موسمیات کے مطابق ملک کے بیشتر علاقوں میں آج بھی موسم شدید گرم اور خشک رہنے کا امکان ہے، جبکہ گزشتہ روز بھی کئی شہروں میں درجہ حرارت 45 ڈگری سینٹی گریڈ سے تجاوز کر گیا۔
یہ بھی پڑھں:عالمی یومِ ماحولیات: پاکستان موسمیاتی تبدیلیوں سے نمٹنے کے لیے عالمی تعاون کا خواہاں، نائب وزیراعظم
گزشتہ روز سب سے زیادہ درجہ حرارت سبی میں ریکارڈ کیا گیا جہاں پارہ 49 ڈگری سینٹی گریڈ تک پہنچ گیا۔ نور پور تھل اور دادو میں 48، جبکہ اوکاڑہ، بھکر، جیکب آباد، سکھر، خیرپور اور تربت میں درجہ حرارت 47 ڈگری سینٹی گریڈ ریکارڈ کیا گیا۔
محکمہ موسمیات کے مطابق ڈیرہ اسماعیل خان، بنوں اور سرگودھا میں درجہ حرارت 45 ڈگری، لاہور اور جہلم میں 44 ڈگری، پشاور اور ملتان میں 43 ڈگری، جبکہ اسلام آباد میں 42 ڈگری سینٹی گریڈ ریکارڈ کیا گیا۔
مظفرآباد میں 40، کوئٹہ میں 39 جبکہ کراچی اور گلگت میں زیادہ سے زیادہ درجہ حرارت 37 ڈگری سینٹی گریڈ رہا۔ اسکردو نسبتاً معتدل رہا جہاں پارہ 29 ڈگری سینٹی گریڈ ریکارڈ کیا گیا۔
ماہرین کے مطابق شدید گرمی کے دوران شہری غیر ضروری طور پر دھوپ میں نکلنے سے گریز کریں، پانی کا زیادہ استعمال کریں اور ہیٹ ویو سے بچاؤ کے لیے احتیاطی تدابیر اختیار کریں۔
