وفاقی آئینی عدالت نے ڈاکٹر عافیہ صدیقی کیس کو سماعت کے لیے مقرر کر دیا ہے، جبکہ وزیراعظم اور وفاقی کابینہ کے خلاف توہین عدالت کی کارروائی سے متعلق اپیل بھی سماعت کے لیے مقرر کر دی گئی ہے۔
چیف جسٹس امین الدین خان کی سربراہی میں دو رکنی بنچ 16 جون کو اس مقدمے کی سماعت کرے گا۔
یہ بھی پڑھیں:امریکا میں قید کاٹنے والی عافیہ صدیقی کے کیس میں کب کیا ہوا؟
یہ اپیل وفاقی حکومت کی جانب سے اسلام آباد ہائیکورٹ کے اس فیصلے کے خلاف دائر کی گئی ہے جس میں ڈاکٹر عافیہ صدیقی کیس میں عدالتی حکم پر عمل نہ ہونے پر توہین عدالت کی کارروائی کا حکم دیا گیا تھا۔
وفاقی حکومت نے اسلام آباد ہائیکورٹ کے اس فیصلے کو چیلنج کر رکھا ہے، جس پر اب وفاقی آئینی عدالت آئندہ سماعت میں غور کرے گی۔
