وفاقی حکومت نے آئندہ مالی سال کے بجٹ 27-2026 میں مختلف شعبوں میں ٹیکس ریلیف کا اعلان کیا ہے لیکن نان فائلرز اس ریلیف سے محروم رہیں گے۔
گو کہ وفاقی وزیر خزانہ محمد اورنگزیب کی جمعہ کے روز کی گئی بجٹ تقریر میں نان فائلرز کے خلاف کسی اقدام کا اشارہ نہیں کیا گیا لیکن نان فائلرز کے لیے ٹیکس کی شرح برقرار رہے گی۔
دوسری طرف چھوٹے کاروباری طبقے کو ٹیکس نیٹ میں لانے کے لیے بھی مختلف اقدامات جیسا کہ ایف بی آر کے ساتھ رجسٹریشن تجویز کی گئی ہے، جس کا مقصد قومی معیشت کو ڈاکیومنٹ کرنا ہے اور اس کے ساتھ ساتھ چھوٹا کاروباری طبقہ فائلرز کی فہرست میں شامل ہو جائے گا۔
فائلرز کے لیے جائیداد کی خریداری پر ودہولڈنگ ٹیکس 2.5 سے کم کر کے 1.5 کردیا گیا جبکہ فروخت پر 5.5 سے کم کرکے 2.75 کر دیا گیا لیکن نان فائلرز کے لیے کسی ریلیف کا اعلان نہیں کیا گیا۔
تعمیراتی شعبے سے وابستہ صنعتوں پر ٹیکس کی شرح کم کرنے کا اعلان کیا گیا ہے لیکن اس کا اطلاق بھی صرف فائلرز پر ہی ہوگا۔
