سعودی عرب کے تاریخی نخلستان الاحساء کی مرکزی منڈیوں میں تازہ کھجوروں کی نئی فصل پہنچنا شروع ہوگئی ہے، جس کے ساتھ ہی ملک کے اہم زرعی سیزن کا باقاعدہ آغاز ہو گیا۔ ہر سال اس علاقے میں دو ملین سے زائد کھجور کے درختوں سے 1 لاکھ 20 ہزار ٹن سے زیادہ کھجوریں پیدا کی جاتی ہیں، جو مشرقی ریجن سمیت سعودی عرب کے مختلف حصوں میں فراہم کی جاتی ہیں۔
#PHOTOS: Early date harvest arrives in Al-Ahsa central markets https://t.co/gkXSBhaqlq pic.twitter.com/o9vBHP4CQf
— Arab News (@arabnews) June 13, 2026
رپورٹس کے مطابق موسم گرما کی شدید گرمی کے باعث کھجوروں کے جلد پکنے کا عمل تیز ہوا، جس کے نتیجے میں کسانوں نے معروف اقسام کی کھجوروں کی کٹائی شروع کر دی ہے۔ ابتدائی پیداوار کو منڈیوں میں لایا جا رہا ہے جہاں معیار، حجم، رنگ اور ذائقے کے لحاظ سے مختلف قیمتوں پر فروخت کیا جا رہا ہے۔
الاحساء اپنے اعلیٰ معیار کی کھجوروں کے لیے شہرت رکھتا ہے اور یہاں بیس سے زائد معروف اقسام کاشت کی جاتی ہیں، جن کی مقامی اور قومی سطح پر بڑی طلب موجود ہے۔
یہ بھی پڑھیں:سعودی عرب کا لبنان کے لیے بڑا فیصلہ، 5 سال بعد برآمدات بحال کرنے کا حکم
کھجوروں کی فصل کو معاشی طور پر زیادہ مؤثر بنانے کے لیے سعودی وزارت ماحولیات، پانی و زراعت نے الاحساء میونسپلٹی اور دیگر متعلقہ اداروں کے تعاون سے متعدد اقدامات شروع کیے ہیں۔ اس سلسلے میں خصوصی ٹیمیں نیلامی کے عمل کی نگرانی کر رہی ہیں جبکہ کھجوروں کی مارکیٹنگ کے لیے الگ پلیٹ فارمز بھی قائم کیے جا رہے ہیں۔
Early Date Harvest Arrives in Al-Ahsa Central Markets.https://t.co/3A0jbYIJ0T#SPAGOV pic.twitter.com/yXojPagdQZ
— SPAENG (@Spa_Eng) June 12, 2026
حکام کے مطابق موسمی کھجور فیسٹیولز، کسان بازاروں اور دیگر تجارتی سرگرمیوں کے ذریعے مقامی کاشتکاروں کو تاجروں اور صارفین سے براہِ راست جوڑنے کی کوشش کی جا رہی ہے تاکہ پیداوار کی بہتر قیمت مل سکے اور مارکیٹ میں کھجوروں کی مسلسل دستیابی یقینی بنائی جا سکے۔
ماہرین کے مطابق الاحساء کی کھجوریں نہ صرف سعودی معیشت میں اہم کردار ادا کرتی ہیں بلکہ ملک کی زرعی اور ثقافتی شناخت کا بھی ایک نمایاں حصہ سمجھی جاتی ہیں۔
